PAMUNGKAAN 37:15 - BIBEL JAMITA NA DENGGAN

¹⁵ Kehe ma ia mardalan di padang-padang i. Adong ma sada bayo marnida ia, disapai ma tusia, “Aha dehe na nijalahanmu?” ning bayo i.

PAMUNGKAAN 37:15 ပူးပေါင်းရင်းမြစ်များ

PAMUNGKAAN 21:14

Manyogotna i dipasahat si Abraham ma tu si Hagar saotik sipanganon dohot aek di bagasan kantongan kulit anso adong bohal di dalan. Dipaompahon ia ma dakdanak i tu tanggurung ni si Hagar jana disuru ia ma kehe anakboru i. Jadi kehe ma si Hagar jana madangadang ma ia di padang parhorsihan Berseba.

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

PAMUNGKAAN 37:16

“Na manjalahi angka angkangku do au, marmahan hambeng biri-biri do halahi,” ning si Josep mangalusi. “Diboto ho dehe ulaning sanga na di dia halahi? Paboa ma jolo tu au,” ning ia.

2 RAJA-RAJA 6:19

Dung i kehe ma si Elisa mandapotkon halahi jana didok ia ma, “Na lilu do hamu; nada on kota na nijalahanmunu i. Beta ma ihutkon hamu au; anso hupataru hamu tu bayo na nijalahanmunu i.” Jadi dipataru si Elisa ma halahi tu Samaria.

JOHANNES 1:38

Manaili ma Jesus tu pudi, jadi diida Ia ma halahi na mangihutkon Ia. Ninna Jesus ma, “Manjalahi aha dehe hamu?” Ninna halahi ma mangalusi, “Rabbi, di dia dehe Ho maringanan?” (Rabbi, astuanna ‘Guru’.)

JOHANNES 18:4

Madung diboto Jesus hian sanga aha na giot masa tuSia. Dung i didapotkon Jesus ma angka jolma na ro i, ning Ia ma, “Ise dehe na nijalahanmunu?”

JOHANNES 18:7

Dung i disapai Jesus ma halahi sanoli nari, “Ise na nijalahanmunu?” ning Ia. “Jesus halak Nasaret i,” ning halahi mangalusi.

JOHANNES 20:15

Disapai Jesus ma tusia, “Biasi tangis ho inang? Ise na nijalahanmu?” Ning roha ni si Maria, panjago ni kobun i do i. Jadi didok si Maria ma, “Muda hamu do amang paimbarkon sian on, paboa ma jolo tu au sanga di dia dibaen ho Ia. Au pe mambuatsa annon.”

JOHANNES 4:27

Disi ma ro angka sisean ni Jesus mangulahi. Homang ma roha ni halahi mida Jesus mangkobari dohot sada anak boru. Tapi umpe sahalak sian halahi na marsapa, “Aha do na nihagiotiMu? Sanga: Aha do na nihataanMu dohot ia?”

HAKIM-HAKIM 4:22

Di na ro si Barak manjalahi si Sisera, ro ma si Jael mangalo-alo si Barak jana didok ia ma tusia, “Beta ma anso hupatuduhon tu ho halak na nijalahanmi.” Masuk ma si Barak dohot si Jael, diida ia ma madung mate si Sisera, gampalang di tano, pantik susuk-susuk ni bandar i di parsontinganna i.