PAMUNGKAAN 37:14 - BIBEL JAMITA NA DENGGAN

¹⁴ Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

PAMUNGKAAN 37:14 ပူးပေါင်းရင်းမြစ်များ

PAMUNGKAAN 13:18

Dung i dipaimbar si Abram ma inganan ni undung-undungnia jana maringanan di lambung ni harangan inganan paribadatan na di Mamre donok tu Hebron ma ia torus. Jana disi ma dipajongjong ia langgatan di Tuhan.

PAMUNGKAAN 23:19

Dung i dikuburkon si Abraham ma si Sara dongan saripenia i di bagasan liang i di tano Kanaan.

PAMUNGKAAN 23:2

Di Hebron na di tano Kanaan do marujung ngolunia, jana diandungi si Abraham ma hamamatenia i.

PAMUNGKAAN 29:6

“Horas-horas dehe ia?” ning si Jakob mangulahi. “Horas torkis do da ia,” ning halahi mangalusi. “Ligi ma indadu, borunia do i, si Rahel goarna. Na ro maroban hambeng ni amangnia i do ia.”

PAMUNGKAAN 35:27

Jadi kehe ma si Jakob mandapotkon si Ishak amangnia i di Mamre di lambung ni Hebron. I ma inganan ni si Ishak amangnia dohot ompungnia si Abraham.

PAMUNGKAAN 37:15

Kehe ma ia mardalan di padang-padang i. Adong ma sada bayo marnida ia, disapai ma tusia, “Aha dehe na nijalahanmu?” ning bayo i.

PAMUNGKAAN 41:16

Ninna si Josep ma mangalusi, “Nanggo au da rajanami, tapi Debata do na giot mangalehen hatorangan na tumbuk.”

PAMUNGKAAN 43:27

Disapai si Josep ma sanga na horas-horas do halahi, jana didok ia ma, “Madung dibaritahon hamu tu au taringot tu amanta hamu na dung matobang i – bia do baritania? Mangolu dope he ia, jana horas dope?”

2 SAMUEL 11:7

Di na ro si Uria mangadop tu si Daud, disapai raja i ma tusia sanga na horas do si Joab dohot pasukan ni Israel, dohot sanga songon dia pardalan ni porang i.

2 SAMUEL 18:32

Disapai raja i ma tusia, “Horas do si Absalom na doli i?” Dung i dialusi naposo i ma, “Padiar ma, sude musu ni raja i, sude halak na mambaen paraloan tu raja i, sarupa do bagianna dohot anak na jeges i.”

1 RAJA-RAJA 2:33

Uhum hara ni hamatean ni kapala ni tentara na dua i, si Joab do manaon i dohot pomparanna ro di salolotna. Tapi sude pomparan ni damang na gabe raja, tongtong dipasupasu Tuhan anso maruntung halahi.”

ESTER 2:11

Ganop ari mardalan-dalan do si Mordehai di alaman jolo ni inganan ni dadaboru i anso diboto ia pangalaho na masa tu si Ester jana sanga aha na giot tarjadi tusia.

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

JEREMIA 29:7

Markarejo ma hamu anso dumpang hasonangan di angka kota habuanganmunu. Tangiangkon hamu ma tu au salaho tu haporluan ni angka kota i, angke muda masonang kota i laing masonang muse do dohot hamu.

BILANGAN 13:22

Parjolo, kehe halahi tu Selatan ni luat i jana lalu ma di kota Hebron inganan ni halak Ahiman, Sisai dohot Talmai, pomparan ni sada bangso na marpamatang raksasa, i ma na nidok halak Enak. (Kota Hebron dipajongjong pitu taon andorang so kota Zoan di Mesir.)

LUKAS 19:42

Humolos ma Ia, “Dengganna i sugari diboto hamu sadari on sanga aha na porlu di hamu laho manjagit hadameon i! Hape saonnari buni do i di jolo ni matamu.

JOSUA 14:13

Jadi gabe tumbuk ma di roha ni si Josua di si Kaleb anak ni si Jefunne i, lalu dilehen ia ma tusia kota Hebron gabe bagiannia.

JOSUA 14:14

Lopus saonnari laing tean-teanan ni pomparan ni si Kaleb anak ni si Jefunne do kota i, halak Kenisi i, dibaen na setia do si Kaleb mangoloi Tuhan, Debata ni Israel.

JOSUA 14:15

Hebron, digoari do i najolo kota Arba. (Halak na gumodang sian tonga-tonga ni bangso Enak i do si Arba.) Dung i marongok ma parporangan di luat i.

HAKIM-HAKIM 1:10

dohot di kota Hebron, i ma kota na nigoaran najolo Kiryat-Arba. Ditaluhon halak Juda ma disi si Sesai, Ahiman, dohot Talmai.

1 SAMUEL 17:22

Dung i dipasimpankon si Daud ma na niobannia i tu panjago barang-barang ni tentara i jana dilojong ia ma tu galanggang ni porang i laho mandapotkon angka angkangnia i jana disapai ma sanga na horas halahi.