PAMUNGKAAN 36:6 - BIBEL JAMITA NA DENGGAN

⁶ Dung i dioban si Esau ma sude dadaborunia, angka anak dohot borunia, dohot sude jolma na adong di bagasnia maradu sude pahan-pahanan dohot barang-barang sinadongannia na dapotnia di Kanaan, ditadingkon ia ma si Jakob angginia i, jana kehe ma ia tu luat na asing.

PAMUNGKAAN 36:6 ပူးပေါင်းရင်းမြစ်များ

PAMUNGKAAN 12:5

Dioban si Abram do si Sarai dadaborunia i, dohot si Lot anak ni angginia bope sude arta dohot angka hatoban na dapotnia di Haran jana kehe ma halahi tu tano Kanaan. Dung lalu halahi di Kanaan,

PAMUNGKAAN 13:11

Gabe dipili si Lot ma sude rura ni Jordan disia, jana kehe ma ia sabola Habincaran. Gabe marsirang ma halahi na dua.

PAMUNGKAAN 13:6

Jadi hara ni i nada tuk be angka ruput na di padang-padang i muda rap halahi na dua sainganan, harana madung mabahattu pahan-pahanan ni halahi.

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PAMUNGKAAN 25:23

Didok Tuhan ma tusia, “Adong dua bangso di bagasan bortianmu; tubuhononmu ma dua bangso na marsialoan; gumogo do sianggian i sian angkangna oloan ni siangkaan i ma siampulan i.”

PAMUNGKAAN 28:4

Sai dipasupasu Tuhan ma ho dohot pomparanmu songon pamasumasu ni Tuhan di si Abraham jana sai ho ma nampuna tano na niingananmon, tano na dung dipahot ni Debata tu si Abraham!”

PAMUNGKAAN 32:3

Dung i disuru si Jakob ma piga-piga halak suruan na mardalan manjoloi ia tu Luat Edom laho mandapotkon si Esau angkangnia i.

PAMUNGKAAN 36:5

jana si Oholibama manubuhon si Jeus, si Jaelam, dohot si Korah. Di Luat Kanaan do sude sorang dakdanak i.

JEHESKIEL 27:13

Marboniaga ho di Junani, di Tubal dohot di Mesekh jana gararna dijagit ho ma sian halahi angka hatoban dohot barang-barang na sian tumbaga.

HALUMBAAN 18:13

hulim, parmasak, pulungan ni ubat-ubat, mur dohot hamonyan; anggur dohot miak, topung dohot gandum; lombu dohot biri-biri, kudo dohot kareta, angka hatoban dohot jolma.