PAMUNGKAAN 35:5 - BIBEL JAMITA NA DENGGAN

⁵ Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

PAMUNGKAAN 35:5 ပူးပေါင်းရင်းမြစ်များ

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

PAMUNGKAAN 35:4

Jadi dipasahat halahi ma sude dewa na asing na nitiop ni halahi dohot angka anting-anting na di pinggol ni halahi. Di tanom si Jakob ma angka barang-barang i di toru ni hayu na godang na di lambung ni kota Sikem i.

2 JUJUR TAON 14:13

Dikojar si Asa dohot tentarania i ma halahi lopus tu Gerar. Bahat sajo do na mate di pihak ni Sudan jabat nada margogo be tentara ni halahi i hara ni na disaroso ni Tuhan halahi dohot tentara ni Juda i. Bahat do barang dirampas halahi.

2 JUJUR TAON 14:14

Dung i dironcohon halahi ma angka kota na di luat na humaliang Gerar, harana gabe mabiar do halak na maringanan disi dibaen Tuhan. Dirampasi tentara ni Juda ma sude kota i jana bahat do barang dapot halahi.

2 JUJUR TAON 17:10

Dibaen Tuhan ma sude harajaan na adong humaliang Juda mabiar marporang mangalo Raja Josafat.

MASMUR 105:14

Nada dipaloas Tuhan sanga ise pe manyosak halahi; digorahon Ia angka raja laho mangondingi halahi.

MASMUR 14:5

Tapi tongkin nari gaor ma halahi gok habiaran dung diida halahi jolma na niurupan ni Tuhan.

HARURUAR 23:27

Gok biar maradopkon Au baenonKu angka bangso na mangalo hamu. PagolaponKu roha ni angka halak na mamorangi hamu; mulak be do angka musumunu marsipalua dirina sian hamu.

HARURUAR 34:24

Dung Hupaorot, angke paorotonKu ma angka bangso sian jolomu jana pabidangonKu ma luat ingananmu; jana nada adong umpe sahalak na puluk mambuat luat ingananmu, muda kehe hamu mamestahon Pesta Roti Na So Marragi, Pesta Gotilon dohot Ari Pesta Undung-undung Bulung.

PANGARATAION 11:25

Di sude luat i, baenon ni Tuhan Debatamunu i ma gok biar angka bangso i maradopkon hamu, songon na dung dijanjihonNia, lopus nada adong sahalak pe na mangambati hamu.

PANGARATAION 2:25

Mamungka sadari on baenonKu ma angka bangso sanga na di dia pe mabiar tu hamu. Sandok jolma gabe humitir ma mabiar muda dibegesa didok goarmunu.’ ”

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

1 SAMUEL 11:7

Hara ni muruknia dibuat ia ma dua lombu lalu digotap-gotap ia marlobong-lobong. Dung i ditongoskon ia ma lobong-lobongna i tu sude tano Israel mardongan parenta songon on, “Sanga ise na so dohot marporang mangihutkon si Saul dohot si Samuel, gotap-gotapon ma lombuna laing songon on!” Mabiar ma bangso Israel betak na aha na giot baenon ni Tuhan, jadi rap dohot ma sude halak nada adong na so dohot.

1 SAMUEL 14:15

Gurgar halak Pilistin dibaen barita i di parbandaran dohot na di padang-padang. Gabe mabiar ma sude rayat ni Pilistin dohot angka na di benteng maradu angka rombongan ni pangarampas; salang tano i antong humutur jana masa hagaoron godang.