PAMUNGKAAN 35:4 - BIBEL JAMITA NA DENGGAN

⁴ Jadi dipasahat halahi ma sude dewa na asing na nitiop ni halahi dohot angka anting-anting na di pinggol ni halahi. Di tanom si Jakob ma angka barang-barang i di toru ni hayu na godang na di lambung ni kota Sikem i.

PAMUNGKAAN 35:4 ပူးပေါင်းရင်းမြစ်များ

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

PAMUNGKAAN 35:3

Morot ma hita sian inganan on jana kehe ma hita tu Betel. Pajongjongonku ma disi sada langgatan di Debata na mangurupi au di hatiha hasusaanku jana na mandongani au sanga na tu dia pe au kehe.”

PAMUNGKAAN 35:5

Di na mardalan si Jakob dohot angka dakdanaknia i, digohi biar ma sude halak kota na humaliang i, gabe nada puluk halahi mangkojar si Jakob.

HARURUAR 32:20

Dung i dibuat ia ma anak ni lombu na nipature ni halahi i, ditutung ia ma tu api diduda ia ma lopus lamot, diduruskon ia ma tu aek jana disuru ia ma halak Israel manginumsa.

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

HOSEA 2:13

UhumanKu ma ia hara ni angka ari-ari na nipakenia manutung dupa tu Baal, jana mangias, mamake barang parhiasannia jana mangkojar angka haholongannia. Dihalupahon ia situtu do Au anggo di angka ari i. Au do Tuhan na mandok songon i.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

PANGARATAION 7:5

Antong, angkon parrumpakkononmunu do angka langgatan ni bangso i, ropuhi hamu angka tiang batu na nietong ni halahi keramat, rumpakkon hamu angka gambaran ni Asera dewi ni halahi i jana tutungi hamu angka patung na nisomba ni halahi.

HAKIM-HAKIM 9:6

Jadi marlagut ma sude halak Sikem dohot Bet-Milo, lalu kehe tu bona ni sampinur parbeguan na di Sikem. Ditabalkon halahi ma disi si Abimelek gabe raja.