PAMUNGKAAN 34:7 - BIBEL JAMITA NA DENGGAN

⁷ Di na mangkobari i halahi, lalu ma angka dakdanak ni si Jakob sian parmahanan. Disi dibege halahi na masa i, tarsonggot ma halahi jana muruk sajo. Harana gabe marlayas ma sude angka halak Israel hara ni parbuatan na so ture tu boru ni si Jakob i.

PAMUNGKAAN 34:7 ပူးပေါင်းရင်းမြစ်များ

PAMUNGKAAN 20:9

Dung i dipiohon si Abimelek ma si Abraham laho manyapai. Ning ia ma, “Na mambaen bia dehe ho tu hami? Aha lakna salangku tu ho, umbaen na ro siluluton on tu au dohot tu harajaanku hara ni ho? Nada di dalanna baenonmu tu au songon i.

PAMUNGKAAN 34:6

Jadi kehe ma si Hemor amang ni si Sikem mandapotkon si Jakob laho manghobari dohot ia.

PAMUNGKAAN 34:8

Didok si Hemor ma tu si Jakob, “Ma tarsolom mata ni anakku si Sikem borumunu, pangidoanku paloas ma anso dialap anakki borumunu i.

PAMUNGKAAN 46:7

angka pomparannia halaklahi dohot dadaboru.

2 SAMUEL 13:21

Dibege si Daud ma taringot tu na masa i, jana sun ma muruknia.

MASMUR 93:5

O Tuhan, hot do manongtong uhumMu, sai badia do sapanjangna BagasMu.

PODA 7:7

Jadi huligi ma bahat doli-doli na bajar dope; tapi hupamanat ma tangkas sada na oto sian tonga-tonga ni halahi.

JEREMIA 29:23

Songon i ma bagian ni halahi hara ni na dung mambaen angka dosa na godang di Israel; marmainan halahi jana dipake halahi goar ni Tuhan laho mancaritohon angka pangalaho na so tutu. Maralo do na songon i tu hagiot ni Tuhan, diboto Ia do sanga aha na nibaen ni halahi, jana Ia sandiri saksina laho mangalo halahi. Madung didok Tuhan songon i.”

HAMALIMON 4:13

Muda sude do halak Israel mardosa, tapi dosa na so niuntil ni halahi gabe dilaosi sada sian parenta ni Tuhan,

HAMALIMON 4:2

paboahon tu bangso Israel songon on: “Muda adong sanga ise na mardosa, na so niuntilnia, gabe dilaosi ia sada sian angka parenta ni Tuhan, angkon ihutkononnia ma angka aturan on.

HAMALIMON 4:27

Muda sahalak rayat na somal do umpamana mardosa, mangalaosi sada sian parenta ni Tuhan so hara ni na niuntilnia.

1 KORINTUS 10:8

Nada tola hita marpangalaho na so ture songon na nibaen ni deba sian halahi. Angke hara ni na mambaen songon i, gabe mate dua pulu tolu ribu halak di bagasan sadari.

1 KORINTUS 6:18

Padao hamu ma dirimunu sian hahodaron. Angke sude dosa na asing i na nibaen ni jolma, di ruar ni pamatangna do i tarjadi. Tapi anggo halak na marhamainan, na mambaen dosa tu pamatangna sandiri do i!

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

PANGARATAION 22:20

Tapi muda tutu do antong hata na nidok ni bayo i, jana nada adong buktina paboahon na tutu bujing-bujing anak boru i di na mamungka marripe halahi,

PANGARATAION 22:21

jadi angkon obanon ma anak boru i tu pintu ni bagas ni amangna i. Disi ma dangguran ni halaklahi na di kota i ia dohot batu lopus mate. Na mambaen hahaila do anak boru i di bangsonta hara ni na marcampur ia dompak so marbagas dope, taran di bagas ni amangnia dope ia. Songon i ma dalanna baenonmunu laho mangagohon hajahatan i.

PANGARATAION 23:17

Nada tola sada halak Israel, halaklahi sanga dadaboru na gabe panggampang di bagas pamelean ni angka debata na asing.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JAKOBUS 3:10

Sian pamangan na sada i haruar do angka hata pasupasu jana dohot muse angka hata bura. Nada tola songon i hamu ale angka dongan!

JOSUA 7:15

Dung i halak na hutudu jana torang manyimpan angka barang na so tola i, angkon ditutung abis rap dohot sude dongan sabagasna maradu sude sinadonganna; angka i ma halakna na mangalaosi Poti Parjanjian ni Tuhan i jana na parohon habilean na godang tu halak Israel.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HAKIM-HAKIM 20:6

Jadi gabe hubuat ma bangkena i lalu huponggol-ponggol, dung i hutongos ma i tu marga ni Israel na dua bolas i samponggol be. Hubaen pe songon i hara ni angka halak Gibea i do na mambaen na jahat jana sihailahononkon di tonga-tonga ni halak Israel.