PAMUNGKAAN 34:5 - BIBEL JAMITA NA DENGGAN

⁵ Tarbege ma tu si Jakob na dung disego-sego habujingon ni borunia i, tapi hara ni na topet marmahan di padang-padangan angka anaknia, gabe nada adong sanga aha tarbaen ia salolot so muli halahi.

PAMUNGKAAN 34:5 ပူးပေါင်းရင်းမြစ်များ

PAMUNGKAAN 30:35

Tapi sadari i, dipaasing si Laban ma sude hambeng na marbolang sanga na marturik, sanga na adong saotik bolangna na bontar; dipaasing ia muse ma sude biri-biri na lomlom. Dung i disuru ia ma angka dakdanaknia paresohon angka pahan-pahanan i,

PAMUNGKAAN 34:4

Jadi didok si Sikem ma tu amangnia, “Pangidoanku, dialap amang ma anak boru i di au. Por do rohangku marripehon ia.”

PAMUNGKAAN 34:6

Jadi kehe ma si Hemor amang ni si Sikem mandapotkon si Jakob laho manghobari dohot ia.

PAMUNGKAAN 46:34

dok hamu ma tu raja i, na somal marmahan hamu sian na menek laing songon ompumunu. Jadi anso disuru ia hamu maringanan di tano Gosen.” Didok si Josep pe songon i, hara ni na so ra do halak Mesir mardongan dohot angka parmahan.

2 SAMUEL 13:22

Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

MASMUR 39:9

Hohom noma au, nada be dokkononku bagi aha, angke Ho na mambahen sitaononki.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

LUKAS 15:25

Topet do di ladang hatiha i anakna siangkaan i. Jadi di na mulak ia, dung donok tu lambung ni bagas i, dibege ia ma na marende dohot angka na manortor.

LUKAS 15:29

Tapi didok ia ma tu amangnia i, ‘Martaon-taon ma honokna huoloi damang, na so jungada dope hulaosi parentamu. Tapi nada unjung dilehon damang di au umpe sada hambeng anso marpesta au dohot angka donganku!

1 SAMUEL 10:27

Tapi adong do sanga na piga halak na jahat mandok, “Jolma na songon on ma he na marguna di hita?” Dipamenek halahi ma si Saul jana nada mangalehen silua halahi tusia. Tapi dipaula so diboto ia do i.

1 SAMUEL 16:11

Dung i marsapa si Samuel tusia, “On dehe sude anakmi?” Dialusi si Isai ma, “Adong dope tinggal sianggian i, tapi topet do marmahan biri-biri ia saonnari.” Didok si Samuel ma, “Suru ma mamiohon ia, angke nada haulkononta dope haul i painte so ro ia.”

1 SAMUEL 17:15

jotjot do si Daud manadingkon si Saul jana mulak ia tu Betlehem laho marmahan biri-biri ni amangnia i.