PAMUNGKAAN 34:30 - BIBEL JAMITA NA DENGGAN

³⁰ Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

PAMUNGKAAN 34:30 ပူးပေါင်းရင်းမြစ်များ

PAMUNGKAAN 12:12

Jadi muda diida halak Mesir i ho, diboto roha ni halahi do na dadaborungku ho; jadi bunuon ni halahi ma au tapi anggo ho padiaron ni halahi do mangolu.

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

PAMUNGKAAN 13:7

Gabe martangkangi ma angka parmahan ni si Abram dohot parmahan ni si Lot. (Laing maringanan dope hatiha i halak Kanaan dohot halak Peris disi.)

PAMUNGKAAN 34:2

Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

PAMUNGKAAN 34:29

Dibuat halahi ma sude barang-barang na mararga, ditangkup halahi ma angka dadaboru, angka dakdanak, jana dirampas halahi ma sude na adong di bagasan bagas na di kota i.

PAMUNGKAAN 34:31

Tapi dialusi halahi ma, “Nada tarpadiar hami ibotonami i dibaen songon siboru jalang na so mararga.”

PAMUNGKAAN 46:26

Onom pulu onom halak ma sude pomparan ni si Jakob na kehe tu Mesir, nada dietong dope disi angka ripe ni dakdanaknia.

PAMUNGKAAN 46:27

Dua dakdanak ni si Josep na sorang di Mesir; gabe pungu ma sude pomparan ni si Jakob na lalu tu Mesir pitu pulu halak.

2 SAMUEL 10:6

Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

2 SAMUEL 16:21

Dialusi si Ahitofel ma, “Kehe ma raja i mandapotkon angka rading na nitadingkon ni amang ni raja i manjago bagas godang i, jana rap modom ma dohot halahi. Jadi gabe botoon ni Israel ma sude marhite pangalaho i, na dung dietong ni amanta hamu do musuna raja i. Jadi gabe mur barani ma sude angka na mangihut tu daulat i.”

1 RAJA-RAJA 11:25

Laing songon si Hadad, marmusu muse ma Raja ni Siria tu Israel di hatiha ngolu ni si Salomo jana manggaori halahi di luat i.

1 RAJA-RAJA 18:18

“Nada au sibaen gaor,” ning si Elia, “Tapi raja i sandiri do, raja i dohot dongan sabagas ni raja i. Di na marsomba raja i tu angka gana-ganaan ni Baal dilaosi raja i ma angka na niparentahon ni Tuhan.

1 JUJUR TAON 16:12

O hamu pomparan ni si Jakob, angka naposo ni Debata! ale pomparan ni si Israel, bangso na nipiliNia! Ingot ma hahomangan na nibaen ni Debata, patulus hamu ma angka parentaNia.

1 JUJUR TAON 16:19

Panompang do disi umat ni Tuhan bilanganna pe na otihan.

1 JUJUR TAON 19:6

Jadi torang ma diboto Raja Hanun dohot halak Amon, patunda ni pambaenan ni halahi i gabe goyak roha ni si Daud mida halahi. Jadi ditongos halahi ma 34.000 kilo perak tu Luat Mesopotamia Julu, dohot tu Maaka dohot Zoba di Siria laho mangongkosi 32.000 kareta porang dohot tentara parkudo. Jadi ro ma antong tentara ni Raja Maaka dohot sude kareta porang na niongkosan i jana marbandar ma halahi di Medeba. Marroan muse ma halak Amon sian kotana be laho marporang.

1 JUJUR TAON 2:7

Si Akhan anak ni si Karmi pomparan ni si Zerah, patundania ma umbaen na gabe ro parmaraan tu halak Israel hara ni na nibuatnia barang na hona rampas di porang na gabe hapunjungan ni Debata aturanna.

MASMUR 105:12

Anggo na jolo songon halak sileban do ngolu ni bangso ni Debata disi, bilangan ni halahi pe saotik.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

PODA 11:17

Maruntung do halak muda denggan rohana, tapi marugi do muda marroha na jat iba.

PODA 11:29

Halak na manggaori rumahtanggana, agoan do di sasudena. Halak na oto, gabe hatoban ni na bisuk do.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

PANGARATAION 4:17

binatang sanga unggas,

PANGARATAION 4:27

Sarsarkonon ni Tuhan ma hamu di tonga-tonga ni angka bangso na asing jana saotik noma sian hamu na mangolu.

PANGARATAION 7:7

Na nihaholongan jana na nipili ni Tuhan do hamu, nada hara ni na gumodang hamu sian angka bangso na asing, hamu noma tehe bangso na ummenek di tano on sudena.

JOSUA 7:25

Dung i didok si Josua ma tu si Akan, “Biasi dialapi ho hasusaan tu hita? Saonnari paroon ni Tuhan ma hasusaan tu ho.” Jadi sude ma halak Israel mandangguri si Akan dohot batu lopus mate. Dongan sabagasnia pe dohot sude arta sinadongannia didangguri ma dohot batu jana abis ditutung.

1 SAMUEL 13:4

Dipabotohon ma tu sandok bangso Israel bahaso na dung dibunu si Saul panglima ni Pilistin dohot na goyak sajo roha ni halak Pilistin di halak Israel. Jadi gabe dioloi rayat i ma pio-pio i laho mardomu rap dohot si Saul di Gilgal.

1 SAMUEL 16:2

Tapi disapai si Samuel ma, “Bia dehe pambaenku disi. Muda tarbege pangalaho i tu si Saul, pasti bunuonnia au!” Dialusi Tuhan ma, “Oban ma sada lombu jara-jara jana dokkon ma tu rayat i, umbaen na ro pe ho tusi na laho manghaulkon haul tu Tuhan do.

1 SAMUEL 27:1

Marpikir ma si Daud di bagasan rohania, “Bagi na bia pe, di sada hatiha angkon laing bunuon ni si Saul noma au. Jadi nada adong be dalan na asing di au sian na maporus tu tano ni halak Pilistin. I noma mangantak si Saul manjalahi au di Israel jana gabe malua au.”

1 SAMUEL 27:12

Tapi pos do roha ni si Akhis di si Daud jana didok ia di bagasan rohania, “Songon i ma antong santakna goyak ni roha ni bangsonia sandiri tusia, lopus tarpaksa gabe naposongku ia sapanjang di ngolunia.”