PAMUNGKAAN 34:20 - BIBEL JAMITA NA DENGGAN

²⁰ Dung i kehe ma si Hemor dohot si Sikem tu inganan parrapotan di horbangan ni kota i, jana mandok hata ma halahi tu halak kota i songon on,

PAMUNGKAAN 34:20 ပူးပေါင်းရင်းမြစ်များ

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 23:10

Jadi laing dohot do si Efron rap dohot angka halak Het i juguk di inganan pangkataion na di horbangan ni kota i. Jadi sude ma halak na adong disi umbege alusnia,

PAMUNGKAAN 34:19

Jadi manigor dipatulus si Sikem ma sarat-sarat i hara ni por ni rohania di si Dina. Boti sian sude koum sisolkotnia, si Sikem ma na sumangap dihilala halahi.

PAMUNGKAAN 34:21

“Denggan do da roha ni halak Israel. Jana tapadiar ma halahi maringanan di luat on rap dohot hita jana bebas halahi sanga na tu dia. Tuk dope bidang ni luat on baen inganan di halahi. Jadi taalapi ma boru ni halahi jana tapadiar muse ma da dialap halahi angka borunta.

2 SAMUEL 15:2

Ganop ari disi ngot manyogot jongjong ma si Absalom di topi dalan na di lambung ni pintu horbangan ni bagas godang i. Sandok halak na giot mangaduhon parkaro tu raja i, dipio si Absalom jolo jana disapai ia, “Sian marga dia do ho?” Jana muda dialusi halakna i, ‘Sian marga on sanga marga i,’

JOB 29:7

Muda rap juguk angka na tobang-tobang ni kota i, jana hubuat ma juguhanku di tonga-tonga ni halahi,

MASMUR 127:5

Martua ma sanga ise na singkop angka anak ni pana sisongon i. Nada tartaluhon be i, di na maradop dohot alona di pangadilan.

PODA 31:23

Halaklahina pe tarbarita; sada pamimpin di kota.

AMOS 5:10

Goyak do rohamunu mida halak na mangalo hageduhan jana na mandok hata na tutu di paruhuman.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

ZAKARIA 8:16

On ma angka parenta sidalankononmunu: Muda mandok hata, dok hamu ma na tutu tu donganmunu. Baen hamu ma haputusan na tigor na padumpangkon dame.

PANGARATAION 17:5

angkon toguon do parjahat i tu balian ni kota jana nidangguran dohot batu lopus mate.

RUT 4:1

Jadi kehe ma si Boas tu inganan parsuo-suoan di pintu horbangan ni kota i. Dung juguk ia disi, mamolus ma bayo na nidok ni si Boas kahanggi ni si Elimelek na sumolkot. Jadi dipio si Boas ma ia, “Ro jolo tuson kahanggingku, juguk dison!” Ro ma bayo i lalu juguk.