PAMUNGKAAN 34:2 - BIBEL JAMITA NA DENGGAN

² Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

PAMUNGKAAN 34:2 ပူးပေါင်းရင်းမြစ်များ

PAMUNGKAAN 10:17

halak Hewi, halak Arki, halak Sini,

PAMUNGKAAN 20:2

didok ia ma ibotonia si Sara dongan saripenia i. Jadi gabe disuru si Abimelek raja na sian Gerar i ma obanon si Sara tusia.

PAMUNGKAAN 33:19

Na nitobusannia do padang inganan ni bandarnia i sian sada halak pomparan ni si Hemor, amang ni si Sikem, arga saratus hepeng perak.

PAMUNGKAAN 34:27

Dung abis na mamunu jolma i, ro muse ma angka dakdanak ni si Jakob na asing i mangarampas kota i songon na palalu hosom hara ni iboto ni halahi na nisego-sego i habujingonna.

PAMUNGKAAN 34:3

Tapi solom do matania mida si Dina gabe por rohania sugari disia nian si Dina jana diusahahon ia ma, anso laing por muse roha ni si Dina disia.

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

PAMUNGKAAN 6:2

diligi angka “anak ni Debata” ma bahaso na jeges do angka anak boru i. Gabe dibuat halahi ma anak boru por ni roha ni halahi be.

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

2 SAMUEL 11:4

Disuru alap si Daud ma anakboru i, jana dung ro ia tu bagas godang, rap modom ma si Daud dohot ia. (Na baru patupahon upacara paias diri dope si Batseba dung ias bulannia.) Dung i mulak ma ia tu bagasnia.

2 SAMUEL 13:14

Tapi nada ra si Amnon mangihutkon i, jana hara ni na gumogo ia, dipaksa ia ma ibotonia i mamake gogo, lalu diparroha-roha ia.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

JOB 31:9

Sugari rupani na jungada por rohangku mida na nibuat ni hombar bagasku, jana martabuni au manungkirisa sian balik ni pintu,

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

PANGARATAION 21:14

Muda dipudian ni ari nada por be rohamu disia, tola do suruonmu ia kehe roha-rohania. Nada tola baenonmu sanga gadisonmu ia songon hatoban hara ni na dung dipatoruk ho ia.”

PANGARATAION 22:24

Muda di pangalaho na songon on, angkon obanonmunu do halahi tu balian ni kota, jana nidangguran ma halahi dohot batu lopus mate. Angkon dibunu do bujing-bujing i dibaen nada mangangguhi ia mangido tolong, haru pe di bagasan kota do ia, tarbege hian do nian sorania. Jana angkon bunuon do bayona i hara ni na marcampur ia dohot sada bujing-bujing na dung martunangan. Songon i ma baenonmunu mangagohon hajahatan i.

PANGARATAION 22:29

Di bagasan pangalaho na songon on, angkon manggarari ma bayo i tu simatobang ni anak boru i bolina mararga lima pulu hoping perak, jana angkon buatonnia anak boru i gabe ripenia hara ni na nipaksa ni bayo i ia marcampur dohot ia. Salolot di ngolunia, nada tola sirangkononnia ripenia i.

JOSUA 9:7

Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”

HAKIM-HAKIM 14:1

Sanoli kehe ma si Simson tu Timna. Diida ia ma disi sada bujing-bujing boru Pilistin.

HAKIM-HAKIM 9:28

Didok si Gaal ma, “Ise ma he si Abimelek i jana ise lakna hita angka halak Sikem on? Inda he anak ni si Gideon i? Inda he na patut gabe hatoban ni si Hemor anak ni si Sikem do si Gideon dohot si Zebul wakilnia i?