PAMUNGKAAN 34:14 - BIBEL JAMITA NA DENGGAN

¹⁴ Didok halahi ma tu na dua i, “Maila ma hami muda hami isinkon ibotonami i marbagas dohot halak na so marsunat dope.

PAMUNGKAAN 34:14 ပူးပေါင်းရင်းမြစ်များ

PAMUNGKAAN 17:11

Mamungka saonnari angkon pasunatkononmu ma ganop anak halaklahi na baru sorang na marumur salapan ari, dohot do disi angka hatoban na sorang di bagasmu dohot angka hatoban na nitobusanmu sian halak na asing. Sunat i ma na gabe tanda na tarida paboa na hot parjanjian i antara ho dohot Au.

PAMUNGKAAN 17:14

Ganop halaklahi na so nisunat nada masuk be i gabe bangsongKu angke nada togu ditiop ia parjanjian i.”

PAMUNGKAAN 34:13

Hara ni na dung disego-sego ni si Sikem habujingon ni si Dina i, gabe margabus ma angka dakdanak ni si Jakob i tu si Sikem dohot tu si Hemor amangna i.

PAMUNGKAAN 34:15

Muda oloannami pe i angkon jolo gok do sarat na sada on: Angkon dos hamu dohot hami, artina, angkon marsunat do sude halaklahi sian hamu.

2 SAMUEL 1:20

Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

2 SAMUEL 15:7

Dung salpu opat taon, didok si Absalom ma tu Raja Daud, “Amang, paloas ma au jolo kehe tu Hebron laho patulus janjingku tu Tuhan.

1 RAJA-RAJA 21:9

Songon on ma isi ni surat i, “Baen hamu ma boa-boa anso marpuaso rayat jana piohon hamu ma halahi anso marlagut; di parpunguan i lehen hamu ma juguhan ni si Nabot di juluan.

MATEUS 2:13

Dung kehe parilmu bintang i, diida si Josep ma sahalak surusuruan di bagasan nipinia. Didok surusuruan i ma tusia, “Jongjong ma ho, boan ma Dakdanak i dohot inangNa i mangungsi tu tano Mesir. Disi ma hamu maringanan lopus ro Au mangulahi mangkatai dohot ho. Harana ditahi roha ni si Herodes do manjalahi Dakdanak i laho mamunusa!”

MATEUS 2:8

Dung i disuru ia ma halahi kehe tu Betlehem dung ditonai ia songon on, “Kehe ma hamu, tangkasi hamu ma satorang-torangna taringot tu Dakdanak i. Jadi dung marsuo hamu dohot Dakdanak i, paboa hamu ma tu au, anso dohot muse au ro marsomba tuSia.”

SURAT NI SI PAULUS TU PARLAGUTAN ROM 4:11

Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

HAKIM-HAKIM 14:3

Tapi dialusi amangnia dohot inangnia i ma, “Biasi lakna angkon sai tu halak Pilistin na so saugamo i dohot hita ampal kehe laho mambuat boru? Adong he na so adong be lakna sian marganta sandiri sanga sian tonga-tonga ni bangsonta sada boru na tumbuk?” Dialusi si Simson ma tu amangnia i, “Tapi boru Pilistin i do por ni rohangku. Jana giotku disapai amang ma i di au.”

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.