PAMUNGKAAN 33:9 - BIBEL JAMITA NA DENGGAN

⁹ Tapi didok si Esau ma, “Tuk do di au anggi, indangkon pola sai pasahat i tu au.”

PAMUNGKAAN 33:9 ပူးပေါင်းရင်းမြစ်များ

PAMUNGKAAN 27:39

Dung i mandok hata ma si Ishak mangulahi, “Indangkon na adong ombun sian langit di ho, nada adong ladang na napu di ho.

PAMUNGKAAN 27:40

Sian podangmi ma ho mangolu. Tapi laing naposo ni anggimu do ho. Tapi muda mangarunta ho, malua ma ho sian kuasonia.”

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

PAMUNGKAAN 4:9

Disapai Tuhan ma tu si Kain, “Di dia si Abel, anggimi?” Dialusi si Kain ma, “Nada huboto i. Angkon iba ma he lakna pajago-jago angginiba?”

PODA 16:7

Muda dipasonang ho roha ni Tuhan angka musumu dibaen Ia gabe dongan.

PODA 30:15

Ia si linta adong do dua borunia, dua-duana boruna i margoar: “Diau” dohot “Diau”. Adong do opat na so ra sidung pangidoanna, i ma:

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

BAENON NI ANGKA RASUL 21:20

Dung dibege halahi na nipajojor ni si Paulus i, gabe sude ma halahi mamuji Debata. Dung i didok halahi ma tu si Paulus, “Dongannami si Paulus! Angkon botoonmu do na dung marribu-ribu do halak Jahudi na porsaya. Burju-burju do halahi sudena mangoloi Tona i.

BAENON NI ANGKA RASUL 9:17

Si Ananias pe antong kehe ma tu bagas i jana dipayakkon ia ma tangannia tu si Saulus. Didok ia ma, “Ale Saulus, kahanggingku, Tuhan Jesus na niidami di tonga dalan laho tuson ho, Ia do na marsuru au mandapotkon ho anso marnida ho mangulahi jana digohi Tondi Parbadia.”

PILEMON 1:16

Saonnari nada hum hatobanmu be ia; lobi sian i noma. Dongan haholongan noma ia hara ni Kristus. Marguna situtu do ia di au: Lumobi di ho, tontu marguna situtu do ia sanga pe songon jolma sanga pe songon kahanggi di bagasan Tuhan.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

HAKIM-HAKIM 20:23

Kehe ma halak Israel tu inganan paribadatan, lalu tangis disi tu Tuhan. Disapai halahi ma, “Tuhan, angkon ulahannami dope kehe mamorangi angka kahangginami halak Benyamin i?” Dialusi Tuhan ma, “Olo, maju ma.”