PAMUNGKAAN 33:4 - BIBEL JAMITA NA DENGGAN

⁴ Tapi marlojong ma si Esau mandapotkon ia, lalu dihaol ia ma si Jakob jana diumma ia. Marsitangis-tangisan ma halahi na dua.

PAMUNGKAAN 33:4 ပူးပေါင်းရင်းမြစ်များ

PAMUNGKAAN 29:11

Dung i diumma ia ma si Rahel, lalu tartangis-tangis ma ia hara ni mogana.

PAMUNGKAAN 29:13

Jadi di na nibege ni si Laban barita ni si Jakob baberenia i, marlojong ma ia mandapotkonsa. Dihaol si Laban ma si Jakob lalu diummai ia, jana dioban ia ma masuk tu bagas. Dung abis dicaritohon si Jakob sude na tarjadi i tu si Laban,

PAMUNGKAAN 32:11

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

PAMUNGKAAN 43:30

Gurgur ma holong ni roha ni si Josep mida angginia i. Jabat giot so tartahan ia be mangarajai dirinia, jadi manigor kehe ma ia masuk tu kamarnia, tangis ma ia disi.

PAMUNGKAAN 43:34

Sian meja ni si Josep ma dibaen panganon ni halahi, jana tu si Benyamin lima noli umbahat dibaen pangoloi i sian angka angkangna i. Jadi mangan minum ma halahi rap dohot si Josep lopus butong be.

PAMUNGKAAN 45:2

Dung ruar sude naposonia i, tangis ma si Josep mangandung sagogonia, pajojorkon pardangolannia jabat dibege halak Mesir ia na tangis i jana dipaboa halahi ma pangalaho i tu raja.

PAMUNGKAAN 46:29

ditengget si Josep ma karetania tu Gosen laho mangalo-alo amangnia. Di na marsuo halahi, dihaol si Josep ma amangnia i, tangis ma ia lolot.

2 SAMUEL 14:33

Dung i kehe ma si Joab mangadop tu Raja Daud jana dipalalu ia ma pangidoan ni si Absalom i. Dung i dipiohon raja i ma si Absalom, jana ro ma antong si Absalom manungkap di adopan ni raja i. Jana dijaluangi raja i muse ma ia marhite na mangummasa.

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

JOB 2:12

Tapi di na nitatap ni halahi ia sian na dao dope, jabat do giot so ditanda halahi be ia. Tangis ma halahi gogo jana disibakkon halahi ma pakean ni halahi lalu diparsampakkon halahi ma abu tu ginjang dohot tu ulu ni halahi.

MASMUR 34:4

Martangiang au, gabe dialusi Tuhan, dipalua Ia do au sian sandok sihabiaran.

PODA 16:7

Muda dipasonang ho roha ni Tuhan angka musumu dibaen Ia gabe dongan.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

LUKAS 15:20

Dung i jongjong ma ia, torus mulak mandapotkon amangna. Sian na dao dope madung diida amangnia i ia. Ibo sajo ma roha ni amangna i midasa, marlojong ma amangna i mangalo-alo ia, dihaol jana diumma ma ia.

BAENON NI ANGKA RASUL 20:37

Martangisan ma halahi sude, dihaol halahi ma si Paulus jana diummai halahi laho paborhatkon ia.

1 SAMUEL 20:41

Dung kehe dakdanak i, ruar ma si Daud sian balik ni batu na martimbun i, lalu manungkap ma ia tolu noli. Tangis ma ia, songon i muse dohot si Jonatan di na marsiummaan halahi. Gumodang dope arsak ni si Daud ulang pado si Jonatan.