PAMUNGKAAN 33:18 - BIBEL JAMITA NA DENGGAN

¹⁸ Di pardalanan na sian Mesopotamia lalu ma si Jakob horastorkis tu Sikem na di Kanaan, jadi dipajongjong ia ma bandarnia di sada padang-padang na donok tu kota.

PAMUNGKAAN 33:18 ပူးပေါင်းရင်းမြစ်များ

PAMUNGKAAN 12:6

dibolusi si Abram ma luat i lopus lalu ia tu tombak More inganan na badia na di Sikem. (Di hatiha i laing didapot ia dope disi maringanan halak Kanaan.)

PAMUNGKAAN 25:20

Marumur opat pulu taon ma si Ishak di na marripe ia dohot si Ribka, iboto ni si Laban, boru ni si Betuel. (Halak Aram na di Mesopotamia do anggo si Betuel.)

PAMUNGKAAN 28:2

Tu Mesopotamia ma ho kehe tu bagas ni ompungmu si Betuel jana boru ni tulangmu si Laban ma buat sahalak di ho.

PAMUNGKAAN 31:25

Madung dipajongjong si Jakob hian bandarnia di sada dolok-dolok. Dung i si Laban pe dibaen ia ma bandarnia dohot halaknia i di dolok-dolok na asing di na humaliang i muse.

PAMUNGKAAN 35:9

Dung mulak si Jakob sian Mesopotamia, dipataridahon Debata muse dope diriNa tusia jana dipasupasu ia.

PAMUNGKAAN 37:13

didok si Jakob ma tu si Josep, “Na giot suruonku do ho tu Sikem, tu inganan ni angka angkangmi marmahani angka hambeng biri-birinta i.” “Denggan amang,” ning si Josep mangalusi.

PAMUNGKAAN 46:15

I ma sude dakdanak ni si Jakob na nitubuhon ni si Lea dompak di Mesopotamia tamba ni borunia na margoar si Dina. Jadi pungu ma tolu pulu tolu halak sude pomparan ni si Jakob sian si Lea.

PAMUNGKAAN 48:7

Hara ni inangmu si Rahel do da hubaen songon i. Sun do arsak ni rohangku di parmonding ni inangmi di Kanaan, nada pola sadia dao sian Efrata, di pardalananku laho mulak sian Mesopotamia. Disi do ia dikuburkon, di topi ni dalan laho tu Efrata.” (Betlehem do diboto halak saonnari Efrata i.)

MASMUR 60:6

Sian inganan na badia didok Debata, “Marhite jop ni roha Hubagi-bagihon tano Sikem, bagi-bagihononKu ma Rura Sukot.

JEREMIA 41:5

ro ma salapan pulu halak sian Sikem, Silo dohot Samaria. Madung marcukur janggut halahi, masibak pakean ni halahi, jana digariangi pamatangna. Dioban halahi ma gandum dohot hamonyan sihaulkonon di Bagas Ni Tuhan.

JOHANNES 3:23

Hatiha i nada tarhurung dope si Johannes Pandidi. Di Ainon do ia mandidihon, nada sadia dao i sian Salim, harana bahat do disi aek. Marroan ma halak mandapotkon ia jana dipandidihon ia ma halahi.

JOHANNES 4:5

Dung di Samaria lalu ma Jesus tu sada kota na margoar Sikhar, nada sadia dao sian tano na nilehen ni si Jakob narobi tu anaknia na margoar si Josep.

BAENON NI ANGKA RASUL 7:16

Anggo holi-holi ni halahi dioban do muse tu Sikem jana dikuburkon ma di kuburan na nitobusan ni si Abraham dohot hepeng sian angka anak ni si Hemor na di Sikem i.

JOSUA 24:1

Dipio si Josua ma sude marga-marga ni bangso Israel anso marlagut di Sikem. Jadi marroan be ma angka hatobangon, pamimpin, panguhum dohot angka panglima ni bangso Israel mangadop tu Debata.

HAKIM-HAKIM 9:1

Sanoli kehe ma si Abimelek anak ni si Gideon i tu kota Sikem inganan ni koum sisolkot ni inangnia. Mangkobari ma ia disi dohot halahi, ning ia ma,