PAMUNGKAAN 33:13 - BIBEL JAMITA NA DENGGAN

¹³ Dialusi si Jakob ma, “Diboto ho do da, na gale-gale dope angka dakdanak on, boti angkon laing mataanku do angka pahan-pahanan na manyusu dope. Muda niompot mangayak-ayak anso hipas, hum sadari pe marmatean ma lalu sudena.

PAMUNGKAAN 33:13 ပူးပေါင်းရင်းမြစ်များ

PAMUNGKAAN 33:12

Jadi didok si Esau ma, “Marhobas ma da anso kehe hita, parjolo ma au mardalan ulang ho.”

PAMUNGKAAN 33:14

Pajolo hamu ma da mardalan, hami deget-degeti pe sian pudi mangihutkon hamu. Intap ni na lobas huompoti pe mardalan rap dohot pahan-pahanan on dohot angka anakta on anso hudapoti ho di Edom.”

1 JUJUR TAON 22:5

Dibaen ia pe sudena i, hara ni na nidok ni rohania do di bagasan, “Anggo Bagas Ni Debata na giot pajongjongon ni si Salomo anakki angkon sumurung do tohongna dohot jegesna jana tarbonggal tu na satano on. Tapi dibaen poso dope ia jana nada sadia pangalamanna, jadi angkon pasingkoponku do i.” Jadi painte so marujung ngolu ni si Daud, madung diparade ia hian bahat sajo na hasaya tusi.

MASMUR 78:71

Dipiohon do ia sian parmahanan biri-birinia, laho marmahani Israel bangsoNia.

PODA 12:10

Halak na denggan manghaholongi pahan-pahananna; halak na jahat mamparhancitisa.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

1 SAMUEL 6:10

Mangihut tusi ma jolma i; ditangkup halahi ma dua lombu panyusuan, dipasang ma i tu padati i, anggo anak ni lombu i dikurung ma di bara.