PAMUNGKAAN 33:11 - BIBEL JAMITA NA DENGGAN

¹¹ Na mangido ma au, anso laing jagitonmu somba-somba na huoban on di ho. Madung dihaholongi Debata au jana dilehen di au sanga aha na porlu di au.” Sai torus ma disosoi si Jakob lopus dijagit si Esau ujungna silehen-lehen i.

PAMUNGKAAN 33:11 ပူးပေါင်းရင်းမြစ်များ

PAMUNGKAAN 30:43

Jadi sian dalan na songon i gabe kayo sajo ma si Jakob. Gabe bahat ma marhulanan hambeng biri-biri ni si Jakob, untonia, halodenia dohot angka hatobannia.

PAMUNGKAAN 32:21

Jadi hara ni i ma umbaen na parjolo ditongos ia somba-somba i, hape ia sandiri marborngin di bandar do.

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

PAMUNGKAAN 33:12

Jadi didok si Esau ma, “Marhobas ma da anso kehe hita, parjolo ma au mardalan ulang ho.”

PAMUNGKAAN 33:9

Tapi didok si Esau ma, “Tuk do di au anggi, indangkon pola sai pasahat i tu au.”

2 RAJA-RAJA 2:17

Tapi laing disosak-sosak halahi ma ia lopus ra. Jadi kehe ma panurirang silima pulu halak i manjalahi si Elia jabat tolu ari, hape nada marsuo halahi.

2 RAJA-RAJA 5:23

“Denggan!” ning si Naaman jana dielek-elek ia ma si Gehasi anso ra maroban onom ribu hepeng perak. Disaputi si Naaman ma hepeng i dua bungkusan, jana dibuat ia ma dua pasang pakean na jeges-jeges. Dilehen si Naaman ma sudena i tu dua halak pangurupinia na mardalan parjolo sian si Gehasi.

LUKAS 14:23

Jadi didok tuan i ma tu naposo i, ‘Kehe ma ho tu dalan godang dohot tu angka dalan na sompit di ruar ni kota, jana hara ma halak marroan anso gok sude bagaskon.

1 KORINTUS 3:21

Antong anggo songon i, ulang ma adong sanga ise na marmogahon dirina maradopkon jolma, angke madung dilehen sasudena gabe hamu puna:

2 KORINTUS 6:10

Haru pe dipaarsak rohanami, hape sai marjop ni roha do hami. Anggo idaon pogos do hami, hape bahat do halak gabe maradong hami baen. Anggo idaon na so adong do sanga na ahanami, tapi anggo satutuna sasudena do adong di hami.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.

1 TIMOTEUS 4:8

Pangoromon ni pamatang, saotik do guna ni i, tapi anggo latihan ni roha, i ma na marguna tu sude pangalaho, angke dijamin i do ngolunta di tano on lopus tu ari parpudi.

JOSUA 15:19

Dialusi si Aksa ma, “Di luat na mahiang do tano na nilehen ni amang i di au. Jadi hupangido sanga na piga mual ni aek.” Jadi gabe dilehen si Kaleb ma disia mual ni aek di dolok dohot mual ni aek na di lombang.

HAKIM-HAKIM 1:15

Dialusi si Aksa ma, “Giotku adong ma nian di au sanga na piga mual ni aek, angke tano na mahiang do antong na dilehen ni amang i di au.” Jadi hara ni i, dilehen si Kaleb ma tusia mual ni aek na di dolok dohot mual ni aek na di lombang.

1 SAMUEL 25:27

Dijagit tuan i ma silua na huoban on di tuan i, jana dibagihon tuan i ma on, di parangan ni tuan i.

1 SAMUEL 30:26

Di na mulak si Daud tu Ziklag, ditongoskon ia ma deba sian barang na dirampas i tu angka pamimpin ni Juda na adong di angka kota inganan haimbar-imbarannia dohot parangannia, didok ia ma, “On ma silua di hamu sian barang na hona rampas na hami buat sian musu ni Tuhan.”