PAMUNGKAAN 33:10 - BIBEL JAMITA NA DENGGAN

¹⁰ Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

PAMUNGKAAN 33:10 ပူးပေါင်းရင်းမြစ်များ

PAMUNGKAAN 19:19

Tutu do nian na sun do pangurupimu di au jana dipalua ho hosangku. Tapi songon i ma daona dolok i; kojaron ni hamamago i ma da iba, jana mate noma iba painte so lalu tusi.

PAMUNGKAAN 32:30

Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

PAMUNGKAAN 33:11

Na mangido ma au, anso laing jagitonmu somba-somba na huoban on di ho. Madung dihaholongi Debata au jana dilehen di au sanga aha na porlu di au.” Sai torus ma disosoi si Jakob lopus dijagit si Esau ujungna silehen-lehen i.

PAMUNGKAAN 33:9

Tapi didok si Esau ma, “Tuk do di au anggi, indangkon pola sai pasahat i tu au.”

PAMUNGKAAN 43:3

Jadi didok si Juda ma tusia, “Pir do da amang pandok ni gubernur i tu hami; na so tola do hami mangadop tusia anggo na so hami oban do angginami i.

PAMUNGKAAN 47:29

Di na mur donok hatihana marujung ngoluna, dipiohon ia ma si Josep anaknia i, didok ia ma hatania, “Baen ma tanganmi tu holang-kolang ni hae-haengkon jana sumpahon ma na so kuburkononmu au di tano Mesir on.

PAMUNGKAAN 50:4

Dung salpu na marsiluluton i, didok si Josep ma tu angka pagawe ni raja i, “Palalu hamu ma jolo tonangkon tu raja i,

2 SAMUEL 14:24

Tapi nada dipatola raja i si Absalom maringanan di bagas godang. “Nada ra au mangaligi i,” ninna raja i. Jadi torus mulak tu bagas do si Absalom, jana nada pola mangadop be ia tu raja i.

2 SAMUEL 14:28

Madung dua taon si Absalom maringanan di Jerusalem tapi laing na so marsuo dope ia dohot raja i.

2 SAMUEL 14:32

Dialusi si Absalom ma, “Hara ni na so ra i do ho ro di na husuru pio i. Na giot suruonku do ho nian mangadop tu raja i laho palaluhon sapa-sapangkon. ‘Aha do gunana morot au sian Gesur di na ro au tuson? Gumonan hian do laing disi au.’ ” Dung i dipaudut si Absalom ma, “Usahahon ma anso tarbaen au mangadop tu raja i, jana muda laing na marsala dope au, rade do au mate hona uhum.”

2 SAMUEL 3:13

Dialusi si Daud ma, “Denggan! Antong palalu ma tona on tu si Abner: Ra do au mambaen parjanjian dohot ho, tapi adong sada saratna: Angkon obanonmu do si Mikal boru ni si Saul i tu au muda ro ho mangadop tu au.”

JOB 33:26

Muda martangiang ia, alusan ni Debata ma, marsomba ma ia tu Debata marmoga-moga jana pasuangon ni Debata ma pangalahona.

MASMUR 41:11

Muda nada tartaluhon halahi au, botoonku ma bahaso na jop rohaMu mida au.

JEREMIA 31:2

Hupatuduhon holong ni rohangKu di padang halongonan tu halahi na dung malua sian hamatean. Dompak na manjalahi hademahan Israel,

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

HALUMBAAN 22:4

jana ligion ni halahi ma bohiNa i. Suratkonon ma goar ni Debata di bohi ni halahi.

RUT 2:10

Umbege i, manungkap ma si Rut di jolo ni si Boas jana didok ia ma, “Halak sileban do au, amang, hape biasi pola songon i denggan ni roha ni amang tu au jana diparrohahon amang au?”

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”