PAMUNGKAAN 32:9 - BIBEL JAMITA NA DENGGAN

⁹ Dung i martangiang ma si Jakob, “O, Debata na nisomba ni daompung si Abraham, jana na nisomba ni damang si Ishak, tangihon ma au! Ho do na marsuru au ale Tuhan, anso mulak au mangulahi tu luatku dohot tu angka koum sisolkotku. Jana dijanjihon Ho do na aturonMu sude angka na denggan di au.

PAMUNGKAAN 32:9 ပူးပေါင်းရင်းမြစ်များ

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PAMUNGKAAN 31:13

Au do Debata na pataridahon diringKu tu ho di Betel. Madung dibaen ho disi sada batu gabe hapunjunganKu, di na niusehonmu miak zetun di ginjang ni batu i. Laing marsumpa do ho tu Au disi. Saonnari marhobas ma ho jana mulak ma ho tu luat hatubuanmu.’ ”

PAMUNGKAAN 31:29

Markuaso do da au mambaen na jat tu ho, tapi napotangin dipaingot Debata na nisomba ni amangmi do au anso ulang huancam ho.

PAMUNGKAAN 31:3

Jadi didok Tuhan ma tu si Jakob, “Mulak ma ho tu luat ni amangmu dohot tu angka kahanggimu. Sai na dongananKu do ho.”

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 31:53

Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PAMUNGKAAN 32:8

Ning rohania, “Muda pala ro si Esau jana diserang ia rombongan parjolo, betak sanga dope rombongan na paduahon paluahon dirina.”

PAMUNGKAAN 49:25

Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

2 JUJUR TAON 20:12

Ho do Debatanami! Ho ma manguhumi halahi, dibaen nada margogo anggo hami mangadopi tentara na bahat i na giot mamorangi hami. Nada hami boto be sanga na aha sibaenonnami, jadi hara ni i ro ma hami mangido tolong tu Ho.”

2 JUJUR TAON 20:6

jana martangiang ma ia marsora na gogo, “Ale Tuhan, Debata ni ompunami! Ho do Debata di banua ginjang dohot na mamarenta di ginjang ni sude bangso na di tano on. Ho do na margogo jana markuaso. Sahalak pe so tolap mangalo Ho.

2 JUJUR TAON 32:20

Jadi gabe martangiang ma Raja Hiskia dohot Panurirang Jesaya anak ni si Amos. Pio-pio ma halahi tu Debata.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

JEREMIA 32:16

Dung hulehen angka surat tobus i tu si Barukh, martangiang ma au,

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.