PAMUNGKAAN 32:4 - BIBEL JAMITA NA DENGGAN

⁴ Didok si Jakob ma tu halahi, “Songon on ma dokkon hamu tu tuanku si Esau, ‘Si Jakob do au, naposomi na maringanan rap dohot si Laban na salolotna on.

PAMUNGKAAN 32:4 ပူးပေါင်းရင်းမြစ်များ

PAMUNGKAAN 25:30

Jadi didok ia ma tu si Jakob, “Ma sun malena huhilala, lehen ma jolo di au saotik kacang na rara-rara i.” (Hara ni i ma umbaen na nigoaran ia si Edom.)

PAMUNGKAAN 27:29

Sai gabe naposomu ma da angka bangso na marragam, jana talu ma maradopkon ho angka marga ni bangso na asing. Sai rajaanmu ma sude angka kahanggimu jana marsomba di jolomu ma pomparan ni inangmu. Sai hona bura ma sanga ise na mamurai ho jana tarpasupasu ma sanga ise na mamasumasu ho.”

PAMUNGKAAN 27:37

Dialusi si Ishak ma, “Madung hubaen ia gabe tuanmu, jana sude kahangginia hubaen do gabe naposonia. Madung hulehen disia gandum dohot anggur. Saonnari nada adong be na tarpatupa au di ho, amang!”

PAMUNGKAAN 31:41

Songon i ma na hutaon i salolot na dua pulu taon i au karejo di ho. Opat bolas taon da karejo au anso dapot au borumunu na dua i – jana onom taon nari anso dapot au angka pahan-pahanan i. Jana dipauba-uba ho ma upangku disi pola sampulu noli muba.

PAMUNGKAAN 32:18

Angkon alusanmu ma songon on, ‘Nampuna ni si Jakob naposomi do on. Na nitongosnia do on songon somba-sombania tu si Esau, tuannia i. Anggo naposomi si Jakob sandiri mandapoti ma sian pudi.’ ”

PAMUNGKAAN 32:5

Saonnari adong do lombungku, halode, biri-biri, hambeng dohot angka naposo bage. Na paboahon ma au tu tuanku mardongan arop ni roha, jop roha ni tuanku.’ ”

PAMUNGKAAN 33:14

Pajolo hamu ma da mardalan, hami deget-degeti pe sian pudi mangihutkon hamu. Intap ni na lobas huompoti pe mardalan rap dohot pahan-pahanan on dohot angka anakta on anso hudapoti ho di Edom.”

PAMUNGKAAN 33:8

Disapai si Esau ma, “Na mambaen bia dehe ho di rombongan sinangkin na huida i?” Dialusi si Jakob ma, “Laho pajop rohamu do hubaen songon i.”

PAMUNGKAAN 36:8

Jadi torus noma si Esau maringanan di luat Dolok Edom.

PAMUNGKAAN 36:9

On ma pomparan ni si Esau, ompu ni halak Edom.

PAMUNGKAAN 4:7

Muda na denggan do na nibaenmu, musti angkon tata bohimu; tapi hara ni na nibaenmu na jat, gabe painte-intehon ma dosa laho masuk tu bagasan ate-atemu. Na giot rajaan ni dosa ma dirimu, tapi angkon taluhononmu do i.”

1 RAJA-RAJA 20:32

Jadi marpakean abit goni ma halahi jana martali di rungkungna lalu kehe ma halahi mangadop tu si Ahab jana didok halahi ma, “Naposo ni daulat i do si Benhadad. Pangidoannia, ulang nian dibunu raja i ia.” Dialusi si Ahab ma, “Laing mangolu dope lakna, kahanggingki?”

HARURUAR 32:22

Dialusi si Harun ma, “Ulang ma da antong tu au ho muruk; diboto ho do tangkas sanga na songon dia jahat ni bangso on.

PODA 15:1

Alus na lambok paombun rimas alus na kasar patamba gilap.

PODA 25:15

Hasobaron mardongan hata na tabo tarbaen do i paposkon roha ni halak na markuaso, jana marhite hata na lambok tarbaen ia mangagohon hata na risi.

PODA 6:3

Muda tutu do songon i, ale anakku, anggo ho madung di bagasan kuaso ni bayo i. Tapi songon on ma dalanna anso tarbaen ho luncat sian i: Ompoti ma mandapotkon ia, jana gomos ma pangidohon anso ra ia paluahon ho.

PARJAMITA 10:4

Muda hona muruk ho dibaen raja. Ulang pola pangido maradian markarejo. Haru pe palka hasalaanmu, disesa do i muda tenang ho jana sobar.

JESAYA 21:11

Songon on ma alatan taringot tu Edom: Adong ma halak na pio-pio tu au sian Edom, “O panjago, lolot dope borngin on? Piga jom nari anso torang ari?”

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

1 PETRUS 3:6

Si Sara pe laing songon i do. Pangoloi situtu do ia tu si Abraham jana “Tuan” do dipio ia si Abraham. Saonnari angka boru ni si Sara ma hamu, muda dibaen hamu angka na denggan jana nada pola mabiar hamu mida bagi aha pe.

HAKIM-HAKIM 5:4

Tuhan, di na mardalan Ho ruar sian Seir, dohot Luat Edom ditadingkon Ho, humotar portibi. Angka bubusan ni langit pe marbuka, jana diduruskon angka ombun ma aekna.

1 SAMUEL 26:17

Ditandai si Saul do sora ni si Daud jana disapai ia ma, “Ho dehe i, amang Daud?” Dialusi si Daud ma, “Olo, rajanami.”