Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PAMUNGKAAN 32:31 - BIBEL JAMITA NA DENGGAN

31 Di na bincar mataniari, ditadingkon si Jakob ma Peniel, gabe tengka ma ia hara ni na tarkiet soitnia i.

အခန်းကိုကြည့်ပါ။ ကော်ပီ




PAMUNGKAAN 32:31
19 ပူးပေါင်းရင်းမြစ်များ  

Sapa-sapa ma si Hagar di bagasan rohania, “Tutu do ulaning huida Debata na mamparrohahon au?” Jadi gabe digoari ia ma Tuhan na mandok hata i tusia, “Debata Na Mamparrohahon”.


Di andostorang i disosoi surusuruan na dua i ma si Lot anso marhobas, “Ompoti bo,” ning halahi, “Kehe ma ho dohot ripemi dohot borumu na dua i sian on, anso ulang mate hamu muda diabiskon kota on.”


Bincar ma mataniari di na lalu si Lot tu kota i.


Dung diida bayo na ro i, na so tarbaen monang ia na marsiranggut i, dipukul ia ma soit ni si Jakob jabat tarkiet soitna i.


Lopus saonnari pe anggo pomparan ni si Israel na so unjung do dipangan halahi juhut sian soit ni binatang hara ni na hona hantam i si Jakob di soitnia i.


Dung gabe raja ni Israel si Jerobeam, dipatogu ia ma kota Sikem na di luat partoran Efraim, lalu disi ma ia jolo santongkin maringanan. Dung i kehe muse ma ia sian i jana dipatogu ia ma kota Penuel.


Jadi dipili halahi ma sada lombu jana dihobasi halahi. Dung sidung, martangiang ma halahi tu Baal lopus tonga ari laing marsurahi ma halahi, “Alusi hami, o Baal!” Di na mambaen songon i, laing torus-torus do halahi manortori humaliang langgatan na nibaen ni halahi i. Hape nada adong maralus bagi aha.


Tartuktuk do au jana saotik nari noma anso dabu, sai na torus noma hancitan au.


disi ma diida halahi Debata ni halak Israel i. Sidegean ni patNa i tarsongon lante na sian batu nilam, rata langit idaon.


Nada mate dibaen Debata angka pamimpin ni halak Israel i haru pe na dung diida halahi Debata. Dung i rap mangan ma halahi jana rap minum.


Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”


Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.


Tapi ulang maginjangtu rohangku hara ni angka parnidaan na luar biasa i, gabe dilehen do saragam nyae di pamatangku na gabe songon parkokas ni Sibolis. Gabe manyonggot rohangku do nyae i, anso ulang ginjang do rohangku umbaen na dilehen i.


Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.


Didok halahi, ‘Dipatuduhon Tuhan Debatanta i do hagodangan dohot hamuliaanNa di na hami bege Ia mangkuling sian api i! Madung hami saksihon di ari sadari on, na bolas do di sada-sada halak laing hot tongtong mangolu, haru pe na dung mangkuling Debata tusia.


Adong ma he jungada halak na laing mangolu songon hami dung dibegesa Debata na mangolu i mangkuling sian api?


Mamoto ma si Gideon, bahaso Surusuruan Ni Tuhan sandiri do hape na ro i mandapotkon ia. Jadi mardongan biar didok si Gideon ma, “Marjaya ma au, ale Tuhan Na Humincat! Dibaen madung maradopan bohi au dohot SurusuruanMu!”


Tapi didok Tuhan ma tusia, “Horas ma da ho! Ulang ho mabiar. Nada jabat mate ho.”


Dung i ditoruskon si Gideon ma pardalanan lopus lalu tu Pnuel. Disi laing dipangido ia ma sipanganon di anak buania i. Hape sarupa muse do alus ni halak Pnuel dohot alus ni halak Sukot.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ