PAMUNGKAAN 32:30 - BIBEL JAMITA NA DENGGAN

³⁰ Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

PAMUNGKAAN 32:30 ပူးပေါင်းရင်းမြစ်များ

PAMUNGKAAN 16:13

Sapa-sapa ma si Hagar di bagasan rohania, “Tutu do ulaning huida Debata na mamparrohahon au?” Jadi gabe digoari ia ma Tuhan na mandok hata i tusia, “Debata Na Mamparrohahon”.

PAMUNGKAAN 28:19

Dibaen ia ma goar ni inganan i Betel. (Lus hian do goar ni kota on na salpu i.)

PAMUNGKAAN 35:9

Dung mulak si Jakob sian Mesopotamia, dipataridahon Debata muse dope diriNa tusia jana dipasupasu ia.

1 RAJA-RAJA 12:25

Dung gabe raja ni Israel si Jerobeam, dipatogu ia ma kota Sikem na di luat partoran Efraim, lalu disi ma ia jolo santongkin maringanan. Dung i kehe muse ma ia sian i jana dipatogu ia ma kota Penuel.

HARURUAR 33:14

Jadi didok Ia ma, “Sai dongananKu do hamu jana lehenonKu hamonangan di hamu.”

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JESAYA 9:5

Sipatu ni tentara na mangolat dohot bajuna na margulu mudar, gabe bagian ni api lopus puntung sasudena.

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

1 KORINTUS 13:12

Sanga aha na taida saonnari, tarsongon halinu na hurang torang do i di sormin. Tapi anggo saulahon idaonta ma tangkas pangalaho na satutuna. Saonnari hurang tangkas dope parbinotoan na adong di au, tapi anggo saulahon botoonniba ma tangkas, songon tangkas ni parbinoto ni Debata di au.

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

GALATIA 1:6

Homang do rohangku hara ni hamu! Hara ni haburjuon ni roha ni Kristus do umbaen na dipio Debata hamu, hape manigor dihudukkon hamu do Debata, gabe kehe hamu mangihutkon ‘jamita na denggan,’ na asing sian Jamita Na Denggan na sian Debata i.

EPESUS 1:17

Hupangido anso dilehen Debata ni Tuhanta Jesus Kristus, i ma Debata na sangap i, TondiNia tu hamu. Gabe marbisuk do hamu baenon ni Tondi i, jana patandahononNia ma Debata tu hamu anso ditanda hamu Ia.

PANGARATAION 34:10

Nada adong dope di Israel sada panurirang songon si Musa na paadop-adop mangkobari dohot Tuhan.

PANGARATAION 5:24

Didok halahi, ‘Dipatuduhon Tuhan Debatanta i do hagodangan dohot hamuliaanNa di na hami bege Ia mangkuling sian api i! Madung hami saksihon di ari sadari on, na bolas do di sada-sada halak laing hot tongtong mangolu, haru pe na dung mangkuling Debata tusia.

KOLOSSE 1:15

Ia do gambaran ni Debata na so tarida, siangkaan ni sude na nitompa i.

2 TIMOTEUS 1:10

Jana saonnari dipatidahon Debata ma denggan ni rohaNia i tu hita sian haroro ni Sipaluanta Kristus Jesus. Ditaluhon Jesus do kuaso ni hamatean jana dilehen Ia ngolu na so ra mantak markite Jamita Na Denggan i.

IBRANI 11:27

Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.

JOSUA 5:13

Jadi dompak di lambung ni Jeriko si Josua, ompot ma diida ia sada bayo na jongjong di jolonia manyintak podang. Didapotkon si Josua ma bayo i lalu disapai ia, “Dongan dehe ho sanga na alo?”

HAKIM-HAKIM 13:17

Jadi didok ia ma, “Didok tuan i ma da jolo goar ni tuan i, anso tarbaen hami sanoli on mangalehen sangap tu tuan i muda dung tulus tarjadi na nidok ni tuan i.”

HAKIM-HAKIM 13:18

Marsapa ma Surusuruan Ni Tuhan i, “Biasi giot botoonmu lakna goarKu. Anggo goarKi hahomangan do.”

HAKIM-HAKIM 8:17

Di Pnuel pe dirumpakkon ia ma palas-palas jana dibunu ia sude halaklahi na di kota i.

HAKIM-HAKIM 8:8

Dung i ditoruskon si Gideon ma pardalanan lopus lalu tu Pnuel. Disi laing dipangido ia ma sipanganon di anak buania i. Hape sarupa muse do alus ni halak Pnuel dohot alus ni halak Sukot.