PAMUNGKAAN 32:3 - BIBEL JAMITA NA DENGGAN

³ Dung i disuru si Jakob ma piga-piga halak suruan na mardalan manjoloi ia tu Luat Edom laho mandapotkon si Esau angkangnia i.

PAMUNGKAAN 32:3 ပူးပေါင်းရင်းမြစ်များ

PAMUNGKAAN 14:6

dohot halak Hori di tano pardolohan Edom, lopus dikojar halahi lalu tu El-Paran na di topi ni parhorsihan.

PAMUNGKAAN 25:30

Jadi didok ia ma tu si Jakob, “Ma sun malena huhilala, lehen ma jolo di au saotik kacang na rara-rara i.” (Hara ni i ma umbaen na nigoaran ia si Edom.)

PAMUNGKAAN 32:11

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

PAMUNGKAAN 32:7

Umbege i gabe mabiar ma si Jakob jana gamang ma ia. Jadi dibagi ia ma angka halak na rap dohot ia gabe dua rombongan; songon i muse angka biri-birinia, hambengnia, lombu dohot untonia.

PAMUNGKAAN 33:14

Pajolo hamu ma da mardalan, hami deget-degeti pe sian pudi mangihutkon hamu. Intap ni na lobas huompoti pe mardalan rap dohot pahan-pahanan on dohot angka anakta on anso hudapoti ho di Edom.”

PAMUNGKAAN 33:16

Songon i ma di ari i, mulak ma si Esau tu Edom.

2 SAMUEL 2:8

Anggo si Abner anak ni si Ner, i ma panglima ni tentara ni si Saul i madung maporus dohot si Isboset anak ni si Saul tu Mahanaim.

2 RAJA-RAJA 6:17

Dung i martangiang ma si Elisa, “Tuhan sai ungkap ma jolo mata ni pangurupingku anso diida ia!” Dioloi Tuhan ma tangiang ni si Elisa i, jadi taran manaili pangurupinia i, diida ia ma sude dolok i gok dohot kudo dohot kareta na marapi humaliang si Elisa.

1 JUJUR TAON 12:23

Dompak di Hebron si Daud, bahat do angka parporang na malo na ro mandongani si Daud. Diurupi halahi ma ia anso tarbaen gabe raja manggontihon si Saul, songon na nijanjihon ni Tuhan. Songon on ma bahat ni halahi: Juda: 6.800 halak singkop parince dohot hujurna. Simeon: 7.100 halak na gogo boti tongam. Levi: 4.600 halak. Joyada dohot anak buania pomparan ni si Harun: 3.700 halak. Zadok, doli-doli parporang na barani songon i dohot koum sisolkotna: 22 halak na tarpatujolo. Benyamin (marga ni si Saul): 3.000 halak. Umbahat dope nian sian Marga Benyamin na mangihut tu si Saul. Efraim: 20.800 halak na godang-godang sian horong ni halahi be. Manase Hasundutan: 18.000 halak na nitodo anso dohot kehe laho mangangkat si Daud gabe raja. Isakar: 200 halak pamimpin rap dohot na nipimpin ni halahi. Angka na malo do pamimpin on manontuhon sanga aha sibaenon ni rayat Israel di hatiha na tumbuk. Zebulon: 50.000 halak na malo mamake ragam-ragam ni sinjata jana na singkop tu porang; angka halak na burju-burju do halahi jana haposan. Naftali: 1.000 halak pamimpin rap dohot 37.000 halak parajurit na marparince dohot martombak. Dan: 28.600 halak na dung tarlatih. Aser: 40.000 halak na singkop tu porang. Angka marga na di Habincaran ni Batang aek Jordan, i ma Ruben, Gad dohot Manase Parhabincaran: 120.000 halak na dung malo mamake sude ragam ni sinjata.

ENDE NA GODANG 7:1

Si bujing na sumurung hajogian, patmu na marsandal sai lohot tu roha di bagasan. Lengkuk ni gontingmu songon na nitukangan, karejo ni sada bayo parsinaloan.

JESAYA 21:11

Songon on ma alatan taringot tu Edom: Adong ma halak na pio-pio tu au sian Edom, “O panjago, lolot dope borngin on? Piga jom nari anso torang ari?”

JEREMIA 49:7

On ma na nidok ni Tuhan Na Markuaso salaho tu Amon, “Adong he na so tarbaen halak Edom be marpikir torang? Adong he na so dilehen angka panuturi ni halahi be sipaingot tu halahi?

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

BILANGAN 24:18

Tano Edom gabe nampuna ni musuna, tapi halak Israel laing tontong do mangkarejohon karejo na marsahala.

LUKAS 9:52

Dung i disuru Ia ma angka suruan di joloNia, jadi dung kehe halahi, bolkas ma halahi tu sada huta ni halak Samaria laho mangkobasi sandok na porlu di Jesus.

PANGARATAION 1:2

Sian Dolok Sinai lalu tu Kades-Barnea mamolus sian Luat Edom na mardolok-dolok i, adong dalanan sabolas ari daona.)

PANGARATAION 2:22

Laing songon i ma dibaen Tuhan tu halak Edom, pomparan ni si Esau, na mangingani luat partoran Edom. Diabisi Tuhan halak Hori, gabe dibuat halak Edom tano i lalu diinganisa, jana lopus tu sadari on pe laing halak Edom do maringanan disi.

PANGARATAION 2:5

Indangkon sai porangi hamu halahi, angke hum sanjongkal pe sian tano ni halahi i nada lehenonKu tu hamu, angke na dung Hulehen do Edom tu pomparan ni si Esau.

JOSUA 13:30

Lalu tu Mahanaim angka parbatasan ni halahi, masuk ma sude Basan – i ma sude luat na nirajaan ni si Og, raja ni Basan, songon i muse onom pulu huta ni Jair di Basan.

JOSUA 24:4

dung i Hubasa-basahon tu si Ishak dua anak, i ma si Jakob dohot si Esau. Hulehen partoran Edom di si Esau gabe tano bagiannia. Tapi anggo si Jakob ompumunu i, bungkas do tu Mesir rap dohot angka anaknia.