PAMUNGKAAN 32:28 - BIBEL JAMITA NA DENGGAN

²⁸ Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

PAMUNGKAAN 32:28 ပူးပေါင်းရင်းမြစ်များ

PAMUNGKAAN 17:15

Dung i didok Debata dope tu si Abraham, “Ulang be si Sarai piohon goar ni ripemi, mamungka saonnari si Sara noma goarnia.

PAMUNGKAAN 17:5

Nada be si Abram goarmu tapi si Abraham noma, angke madung Hupabangkit ho gabe ompu ni bahat bangso.

PAMUNGKAAN 25:31

Dialusi si Jakob ma, “Ra do au mangalehen di ho, muda ra ho mangalehen hakmu songon anak siangkaan tu au.”

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 32:24

Tapi anggo ia sandiri laing di parbandaran i dope sasada ia. Jadi ro ma sada bayo marsiranggut dohot si Jakob lopus marayak torang ari.

PAMUNGKAAN 32:27

“Ise dehe lakna goarmu?” ning bayo i manyapai. “Si Jakob do,” ning ia.

PAMUNGKAAN 33:20

Dung i dipajongjong ia ma langgatan disi jana dibaen ia ma goarna, “Debata, Debata ni si Israel”.

PAMUNGKAAN 33:4

Tapi marlojong ma si Esau mandapotkon ia, lalu dihaol ia ma si Jakob jana diumma ia. Marsitangis-tangisan ma halahi na dua.

PAMUNGKAAN 35:10

Didok Debata tusia, “Nada dohonon be si Jakob goarmu, tapi si Israel noma, songon i ma dibaen Debata goarnia si Israel.”

2 SAMUEL 12:25

jana disuru Tuhan ma Panurirang Natan mambaen goar ni dakdanak i si Jediya, angke holong do roha ni Tuhan antong disia.

1 RAJA-RAJA 18:31

Dibuat ia ma dua bolas batu, ganop batu ma songon wakil ni sada sian sidua bolas marga pomparan ni angka anak ni si Jakob, halak na nigoaran ni Tuhan, si Israel.

2 RAJA-RAJA 17:34

Lalu tu sadari on laing didalankon halahi do adat hasomalan ni halahi. Nada na marsomba tu Tuhan halahi, jana nada didalankon halahi angka uhum dohot angka parenta na nilehen ni Tuhan tu pomparan ni si Jakob, na nigoaranNia muse si Israel.

1 JUJUR TAON 1:34

Si Ishak anak ni si Abraham i, dua anaknia, i ma si Esau dohot si Jakob na nigoaran muse si Israel.

PODA 16:7

Muda dipasonang ho roha ni Tuhan angka musumu dibaen Ia gabe dongan.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 65:15

Pakeon ni bangso na Hupili i ma goarmu songon bura. Au, Tuhan Debata, bunuonKu noma hamu. Tapi anggo halahi na burju mangoloi Au, lehenonKu ma goar na imbaru.

BILANGAN 13:16

Angka on ma mata-mata na nisuru ni si Musa patangkaskon taringot tu luat i. Hosea anak ni si Nun, digonti si Musa goarna gabe si Josua.

JOHANNES 1:42

Dung i ditaruhon si Andreas ma si Simon tu Jesus. Dipamanat Jesus ma si Simon, ning Ia ma, “Si Simon do ho, anak ni si Jona. Si Kepas noma goarmu.” (Kepas disaro Ibrani dos dohot Petrus disaro Junani astuanna: dolok batu.)

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

1 SAMUEL 26:25

Dung i didok si Saul ma tu si Daud, “Tuhan ma mamasumasu ho, anakku! Sai mardohar ma ho di bagasan sude karejomu!” Dung i dipatorus si Daud ma pardalanannia, jana si Saul pe mulak ma tu bagasna.