26 Jadi ning bayo i ma, “Padiar ma kehe au; santongkin nari torang ma ari.” Dialusi si Jakob ma, “Nada hupaloas ho kehe anggo so jolo dipasupasu ho au.”
Tapi martangiang ma si Jabes tu Debata na nisomba ni halak Israel, ning ia ma, “O Debata, pasupasu ma au jana sugari pabidang ma nian luat di au. Jagohon ma au jana padao ma parmaraan anso ulang marhancit au.” Jana tulus do tangiangnia i dibaen Debata.
Hutinggalkon halahi, lalu dapot au ma ia, jana nada hupadiar ia kehe; togu hutiop lopus huoban ia tu bagas ni dainang; tu bilik ni dainang na manubuhon au.
Songon on do hata ni Tuhan, Debata Na Badia, jana na manjadihon Israel: “Hamu ma he na patut marsapa tu Au salaho tu angka dakdanakKu, sanga na mangalehen parenta tu Au salaho tu karejongKu?
Mamungka sian bortian dope, na dung marsiranggut do si Jakob dohot si Esau donganna linduat i; jana dung timpas godang, marsiranggut ma si Jakob dohot Debata.
Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.
Ulang cubo mangambati Au. Giot pusaonKu halahi lopus sahalak pe nada adong be na marningot halahi. Tapi anggo ho baenonKu ma gabe ama ni sada bangso na gumodang jana na gumogo sian halahi.’
Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.