PAMUNGKAAN 32:24 - BIBEL JAMITA NA DENGGAN

²⁴ Tapi anggo ia sandiri laing di parbandaran i dope sasada ia. Jadi ro ma sada bayo marsiranggut dohot si Jakob lopus marayak torang ari.

PAMUNGKAAN 32:24 ပူးပေါင်းရင်းမြစ်များ

PAMUNGKAAN 18:2

Di na nipadorgaknia ulunia, diida ia ma adong tolu halak jongjong di jolonia. Disi diida si Abraham halahi, marlojong ma ia laho mangalo-alo halahi.

PAMUNGKAAN 30:8

Ninna si Rahel ma, “Ma huabisi gogongku maralohon angkangku, hape monang do au,” hara ni i dibaen ia ma goar ni dakdanak i, si Naftali.

PAMUNGKAAN 32:23

Dung ditariparkon ia halahi, dipataripar ia muse ma sude sinadongannia.

PAMUNGKAAN 32:25

Dung diida bayo na ro i, na so tarbaen monang ia na marsiranggut i, dipukul ia ma soit ni si Jakob jabat tarkiet soitna i.

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

PAMUNGKAAN 32:30

Jadi didok si Jakob ma, “Madung marsuo bohi au dohot Debata, hape laing mangolu dope au.” Jadi dibaen ia goar ni inganan i, Peniel.

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

HARURUAR 14:27

Dung i dipahortang si Musa ma tangannia tu ginjang laut i, jana marayak andostorang, mulak ma mardomu aek i songon na somal bagasna. Digogo halak Mesir i ma paluahon dirina, hape diparambungkon Tuhan halahi tu bagasan aek i.

ENDE NA GODANG 2:17

lopus mangombus alogo ni ari manyogot, di na kehe hagolapan dipaorot. Mulak ma, hasudungan, songon ursa jantan, na ro sian luat partoran.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

DANIEL 10:8

Ditadingkon halahi ma au disi sada au sajo pamanatkon parnidaan na pahomang roha. Nada adong be gogongku jana bohingku pe madung muba jabat nada tartanda be.

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

SURAT NI SI PAULUS TU PARLAGUTAN ROM 15:30

Hara ni Tuhanta Jesus Kristus dohot hara ni holong ni roha na nilehen ni Tondi i, gomos ma hupangido tu hamu angka dongan, anso dohot ma nian hamu marsitutu martangiang rap dohot au tu Debata taringot tu au.

1 KORINTUS 15:47

Sian tano do dijadihon anggo si Adam na parjolo i, tapi anggo si Adam na paduahon sian banua ginjang do i.

EPESUS 6:12

Angke nada marporang hita mangalo jolma, tapi na laho mangalo gogo ni angka setan na markuaso di hatiha na jahat on do. Angka tondi na jahat na mangkuasoi awang-awang i do na taalo.

EPESUS 6:18

Mardongan tangiang mangido tolong tu Debata ma patulus hamu sudena i. Ulang hamu lupa martangiang ganop adong hatihana sanga hombar tu panogu-noguon ni Tondi Parbadia di hamu. Tongtong ma jonggor hamu. Tongtong ma martangiang hamu, manangiangkon sudena halak na porsaya.

KOLOSSE 2:1

Giotku sugari diboto hamu ma nian sanga na bia parjuanganku di bagasan rohangku hara ni hamu bope hara ni halahi na di Laodikea dohot sude na so mananda au sandiri dope.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

JOSUA 5:13

Jadi dompak di lambung ni Jeriko si Josua, ompot ma diida ia sada bayo na jongjong di jolonia manyintak podang. Didapotkon si Josua ma bayo i lalu disapai ia, “Dongan dehe ho sanga na alo?”