PAMUNGKAAN 32:13 - BIBEL JAMITA NA DENGGAN

^13-15 Dung marborngin disi, dibuat si Jakob ma deba sian angka pahan-pahanannia i silehenonnia silua tu si Esau angkangnia i. Angka on ma siluania i: Dua ratus hambeng boru-boru, dua pulu hambeng jantan, dua ratus biri-biri boru-boru, dua pulu biri-biri jantan, tolu pulu unto panusuan dohot angka anakna, opat pulu lombu boru-boru sampulu lombu jantan, dohot dua pulu halode boru-boru dohot sampulu halode jantan.

PAMUNGKAAN 32:13 ပူးပေါင်းရင်းမြစ်များ

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 15:5

Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

PAMUNGKAAN 18:2

Di na nipadorgaknia ulunia, diida ia ma adong tolu halak jongjong di jolonia. Disi diida si Abraham halahi, marlojong ma ia laho mangalo-alo halahi.

PAMUNGKAAN 22:17

Marjanji ma Au, paboa baenonKu ma pomparanmu sabahat ni bintang na di langit sanga sabahat ni horsik na di topi ni laut. Taluhonon ni angka pomparannia ma angka musu ni halahi.

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

PAMUNGKAAN 33:8

Disapai si Esau ma, “Na mambaen bia dehe ho di rombongan sinangkin na huida i?” Dialusi si Jakob ma, “Laho pajop rohamu do hubaen songon i.”

PAMUNGKAAN 42:6

Hara ni jabatan ni si Josep songon gubernur di Mesir, manggadisi eme ma ia tu halak na ro sian na satano on. Jadi di na songon i, ro muse ma angka angkangnia tusia jana marsomba ma halahi di jolonia.

PAMUNGKAAN 43:11

Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

PAMUNGKAAN 43:26

Dung lalu si Josep tu bagas, dioban halahi ma angka silua i tu bagasan jana marsomba ma halahi tu si Josep laho pasahatkonsa.

NEHEMIA 4:13

Jadi gabe hubagi-bagihon ma podang, tombak, dohot panah tu rayat i, lalu hubaen ma inganan ni halahi mangihutkon horongna be di balik ni tembok i di angka inganan na so sidung dope dipadenggan.

PODA 17:8

Adong do na mangetong tarbaen hepeng sogok halongangan; marhite hepeng sogok sasudena tarbaensa.

PODA 18:16

Muda mangadop iba tu sahalak na sangap, obanon do silehen-lehen anso momo pasuo.

PODA 19:6

Bahat do halak mambuat roha ni na sangap, jana ganup do halak mardongan dohot na basa.

PODA 21:14

Laho paombun muruk dohot rimas, lehen ma silua di sihabunian.

1 SAMUEL 25:27

Dijagit tuan i ma silua na huoban on di tuan i, jana dibagihon tuan i ma on, di parangan ni tuan i.

1 SAMUEL 25:8

Sapai ma antong tu halahi, pasti parhatutuon ni halahi songon i. Antong, hara ni i, denggan ma jagit angka paranganku di bagasmu, dibaen di ari na godang on do hami ro. Laing lehen muse di angka naposomon dohot di au si Daud, sanga na aha ma na nionjar ni rohamu.”