PAMUNGKAAN 32:11 - BIBEL JAMITA NA DENGGAN

¹¹ Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

PAMUNGKAAN 32:11 ပူးပေါင်းရင်းမြစ်များ

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 27:42

Dung tarbege si Ribka sangkap ni si Esau i, disuru piohon ia ma si Jakob jana didok ia ma, “Tangihon, marmaksud do angkangmu si Esau giot palalu hosom jana giot bunuonnia ho.

PAMUNGKAAN 32:3

Dung i disuru si Jakob ma piga-piga halak suruan na mardalan manjoloi ia tu Luat Edom laho mandapotkon si Esau angkangnia i.

PAMUNGKAAN 32:7

Umbege i gabe mabiar ma si Jakob jana gamang ma ia. Jadi dibagi ia ma angka halak na rap dohot ia gabe dua rombongan; songon i muse angka biri-birinia, hambengnia, lombu dohot untonia.

PAMUNGKAAN 33:4

Tapi marlojong ma si Esau mandapotkon ia, lalu dihaol ia ma si Jakob jana diumma ia. Marsitangis-tangisan ma halahi na dua.

2 SAMUEL 7:18

Dung i masuk ma si Daud tu bagasan Bandar Parmianan Ni Tuhan. Juguk ma ia martangiang, “Ale Tuhan Na Gumincat, nada patut au dohot dongan sabagasku manjagit sude pasupasu na niduruskonMu.

MASMUR 119:134

Palua ma au sian angka na mamparkanciti au, anso taroloi au paraturanMu.

MASMUR 142:6

Tangihon ma angguk-anggukku mangido partolongan, dibaen bonom do au di bagasan pandelean. Palua ma au sian angka musungku angke gumogo do halahi ulang au.

MASMUR 16:1

Jagohon ma au, ale Debata, tu Ho do au maronding-onding.

MASMUR 25:20

Jagohon ma au ulang jabat ditaluhon, tu Ho do au ro mangido pangondian.

MASMUR 31:2

Tangihon ma tangiangku. Palua ma au manigor. Ho noma da dolok batu inganan parlinggomanku, dohot benteng na togu, inganan haluaan di au.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

PODA 18:19

Kahanggi na dijehehon, ummaol do i dijonoki sian kota na togu, jana partongkaran i ma songon palang ni pintu horbangan ni kota na marbenteng.

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

HOSEA 10:14

gabe lingkupon ni porang ma rayatmi, jana sarsarkononna sude bentengmi. Tudos ma i songon na masa di ari parabis ni kota Bet-Arbel di parporangan na nibaen ni Raja Salman jana hona giling angka ina-ina rap dohot dakdanakna.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

PANGARATAION 22:6

Muda ampot dapot hamu sada asar ni unggas di hayu sanga di tano na modomkon indukna i di ginjang ni pirana i sanga rap dohot anakna, ulang ma tangkup hamu indukna i.

1 SAMUEL 12:10

dung i martangiang ma halahi tu Tuhan lalu mangoku, ‘Madung mardosa hami hara ni na marbalik sian Ho, ale Tuhan, jana hami somba angka patung ni Debata Baal dohot Astoret. Tapi saonnari, palua ma hami sian musunami, gabe mangoloi tu Ho ma hami!’ ”

1 SAMUEL 24:15

Diparrohahon raja i ma jolo au on na giot bunuon ni raja ni Israel! Ligi ma au on na nikojarnia i! Anjing na mate sajo do au, hum songon sada hutu sajo.