PAMUNGKAAN 32:10 - BIBEL JAMITA NA DENGGAN

¹⁰ Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

PAMUNGKAAN 32:10 ပူးပေါင်းရင်းမြစ်များ

PAMUNGKAAN 18:27

Dialusi si Abraham ma, “Mangido ampun ma au dibaen mabarani tu do au mangkatai dohot Tuhan haru pe hum jolma sajo iba na so tola nian mandok bagi aha.

PAMUNGKAAN 24:12

Jadi martangiang ma hatoban i, “O Tuhan, Debata ni tuanku si Abraham, urupi ma au anso denggan manjadi sadari on na hudalankon, jana ingot ma janjiMu na tu tuanku si Abraham.

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PAMUNGKAAN 30:43

Jadi sian dalan na songon i gabe kayo sajo ma si Jakob. Gabe bahat ma marhulanan hambeng biri-biri ni si Jakob, untonia, halodenia dohot angka hatobannia.

PAMUNGKAAN 31:3

Jadi didok Tuhan ma tu si Jakob, “Mulak ma ho tu luat ni amangmu dohot tu angka kahanggimu. Sai na dongananKu do ho.”

PAMUNGKAAN 32:5

Saonnari adong do lombungku, halode, biri-biri, hambeng dohot angka naposo bage. Na paboahon ma au tu tuanku mardongan arop ni roha, jop roha ni tuanku.’ ”

PAMUNGKAAN 32:7

Umbege i gabe mabiar ma si Jakob jana gamang ma ia. Jadi dibagi ia ma angka halak na rap dohot ia gabe dua rombongan; songon i muse angka biri-birinia, hambengnia, lombu dohot untonia.

2 SAMUEL 17:24

Ma lalu si Daud di kota Mahanaim di na taripar si Absalom di Batang aek Jordan diihutkon angka halak Israel. (

2 SAMUEL 7:18

Dung i masuk ma si Daud tu bagasan Bandar Parmianan Ni Tuhan. Juguk ma ia martangiang, “Ale Tuhan Na Gumincat, nada patut au dohot dongan sabagasku manjagit sude pasupasu na niduruskonMu.

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

JOB 8:7

Nada sadia i, sinadonganmu na mago martimbangkon sijagitonmu di na ro.

MASMUR 16:2

Ningku, “Ho do Tuhanku, sude na denggan hujagit sian tanganMu!”

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

MASMUR 61:7

Sai mamarenta ia songon raja na nitodoMu ro di salolot ni lolotna. Ale Debata, linggomi ma ia marhite hasetiaanMu dohot holong ni rohaMu na so mantak i.

MASMUR 8:5

Giot dos dohot diriMu dibaen Ho jolma, ditukui Ho ia dohot sangap na mulia.

MASMUR 84:7

Gogo ni halahi mur martamba, dompak na mardalan tu Sion laho mangadop tu Debata.

MASMUR 85:10

Marsuo ma da holong dohot habonaran dame dohot hatigoran marsihaolan.

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

LUKAS 17:10

Songon i muse ma hamu. Muda dung dioloi hamu sude na niparentahon tu hamu, dok hamu ma, ‘Anggo hami hum naposo na somal-somal i do hami; hum na patut baenon do na hami karejohon i.’ ”

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

2 KORINTUS 12:11

Satutuna, ma gabe songon halak na oto au hubaen, tapi hamu do mambaen au gabe songon i. Sapatutna angkon hamu do nian mamuji au. Angke haru songon jolma na so mararti pe au, nada bagi talu au maradopkon “angka rasulmunu” na luar biasa i!

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”