PAMUNGKAAN 31:7 - BIBEL JAMITA NA DENGGAN

⁷ Tapi haru songon i pe laing dipaoto-oto do au jana ma pola sampulu noli dipauba-uba halahi upangku. Tapi nada dipadiar Debata ia torus mambaen na jat tu au.

PAMUNGKAAN 31:7 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 20:6

Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

PAMUNGKAAN 29:25

Dung ancogotna i pe anso diboto si Jakob, hapengani si Lea do na niparsaripenia i. Jadi kehe ma si Jakob tu si Laban mandok, “Biasi ma he songon i baenonmu tu au? Nada he anso si Rahel do di au umbaen na karejo au? Biasi dipaoto-oto ho au?”

PAMUNGKAAN 30:28

Dok ma sanga na sadia upamu, anso huboto mangalehen di ho.”

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 31:29

Markuaso do da au mambaen na jat tu ho, tapi napotangin dipaingot Debata na nisomba ni amangmi do au anso ulang huancam ho.

PAMUNGKAAN 31:41

Songon i ma na hutaon i salolot na dua pulu taon i au karejo di ho. Opat bolas taon da karejo au anso dapot au borumunu na dua i – jana onom taon nari anso dapot au angka pahan-pahanan i. Jana dipauba-uba ho ma upangku disi pola sampulu noli muba.

NEHEMIA 4:12

Tapi marpupu do halak Jahudi na maringanan di lambung ni halahi i ro mandapotkon hami laho paboahon sangkap ni musu i.

JOB 1:10

Sai dijagohon Ho do antong ia, pangisi ni bagasnia dohot sude sinadongannia. Dipasupasu Ho karejonia jana dilehen Ho disia bahat pahan-pahanan jabat tuk pakeon ni halak saluat.

JOB 19:3

Mulak-ulak sai dipahancit hamu rohangku, jana sai dipahanciti hamu au so mamboto malu.

JOB 19:8

Ditutup Debata dalan di au, nada tarbolus au, golap do dibaen Ia dalanku.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

JESAYA 4:1

Muda dung dapot hatiha i, tiopon ni pitu halak dadaboru ma sada halaklahi jana dokkonon ni halahi ma, “Isinkon ma da hami mandok ho na mambuat hami anso ulang jabat maila hami hara ni na so jungada marbagas. Anggo panganon dohot pakean, hami sandiri pe da mananggungsa.”

JESAYA 54:17

Tapi anggo sinjata na dipaadop tu ho, nada margogo i mamugangi ho. Jana tu sude tuduan, hata ro do di ho hata alusan. Huampini angka naposongKi anso sai monang.” Songon i ma pandok ni Tuhan.

DANIEL 1:20

Ganop dipasahat raja i parsoalan na mamorluhon hatorangan dohot partimbangan, sampulu lompit dumenggan diida ia sipaingot dohot hatorangan ni doli-doli na opat i martimbangkon sipaingot dohot hatorangan ni sude partondung dohot panjampi na malo di sude harajaan i.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.