PAMUNGKAAN 31:54 - BIBEL JAMITA NA DENGGAN

⁵⁴ Disambol ia ma sada pahan-pahanan jana dihaulkon ia ma gabe songon haul na nitutung di ginjang ni dolok i. Diontang ia muse ma angka halaknia rap mangan. Dung abis mangan, marborngin di dolok i ma halahi.

PAMUNGKAAN 31:54 ပူးပေါင်းရင်းမြစ်များ

PAMUNGKAAN 21:8

Simbur magodang ma dakdanak i, jana di ari pangantakna manyusu dipatupa si Abraham ma horja siriaon.

PAMUNGKAAN 26:30

Dung i dibaen si Ishak ma pesta manjamu halahi, jadi mangan minum ma halahi.

PAMUNGKAAN 37:25

Jadi hatiha mangan halahi, ompot ma diida halahi sarombongan halak Ismael na di pardalanan sian Gilead laho tu Mesir. Maroban angka parmasak dohot hamonyan.

HARURUAR 18:12

Dung i dioban si Jetro ma sanga na piga haul situtungon dohot haul sisambolon songon somba-sombania tu Debata. Ro do si Harun rap dohot sude pamimpin ni halak Israel i tu parjamuan i lalu mangankon panganon na badia i dohot si Jetro di jolo ni Debata.

JEHESKIEL 44:3

Tapi tola do kehe anggo angka parkuaso na mamarenta tu dalan ni horbangan on laho mangankon sipanganon na badia di adopanKu. Angkon mamolus sian bilik na lapang i masukna jana laho mulak pe laing sian i muse.”

1 SAMUEL 9:12

“Olo, adong,” ning angka bujing-bujing i mangalusi, “apala on dope ia mardalan manjoloi hamu. Sugari hipas hamu, betak na tarkojar hamu dope ia. Na baru ro dope ia tu kota dibaen giot manghaulkon haul sadari on halak di ginjang ni tor i. Anggo kehe hamu saonnari, dapot hamu dope ia painte so kehe ia manangkok tu dolok i laho mangan. Nada mangan angka na diontang anggo so jolo ro ia, harana angkon jolo pasupasuonnia do haul i. Kehe ma hamu saonnari, dapot hamu dope ia disi.”