PAMUNGKAAN 31:53 - BIBEL JAMITA NA DENGGAN

⁵³ Debata na nisomba ni si Abraham jana na nisomba ni damang si Nahor ma na gabe panguhum di hita.” Dung i marjanji muse ma si Jakob mangasahon goar ni Debata na nisomba ni si Ishak amangnia i jana marsumpa ma ia paboa na marsitutu do ia maniop janji i.

PAMUNGKAAN 31:53 ပူးပေါင်းရင်းမြစ်များ

PAMUNGKAAN 11:31

Dioban si Terah ma si Abram anakna i dohot si Lot pahompuna, dohot si Sarai parumaennia i, jadi rap kehe ma halahi manadingkon kota Ur na di Babilonia. Maksudnia giot kehe tu Kanaan do. Tapi dung lalu di Haran, gabe disi noma halahi maringanan.

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

PAMUNGKAAN 16:5

Jadi didok si Sarai ma tu si Abram, “Madung hulehen si Hagar pakeonmu, jana mamungka diboto ia na dung denggan pamatangnia layas ma rohania mida au. Ho do na sala disi. Sai Tuhan ma na paujungkon parkaro on antara ho dohot au.”

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 31:52

Sanga na nitimbun on pe, sanga batu parningotan i, rap tanda parningotan do i. Nada salpuanku timbunan on laho manyerang ho, jana ho pe antong, nada tola lewatanmu timbunan on dohot batu parningotan on laho manyerang au.

PAMUNGKAAN 47:31

Didok si Jakob ma, “Sumpahon ma paboa na tutu patulusonmu songon i.” Disumpahon si Josep ma, jana mandok tarimakasi ma si Jakob di podomannia i.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

JOSUA 24:2

Dung i mandok hata ma si Josua tu sude bangso i, “Tangihon hamu ma sanga aha na giot sidohonon ni Tuhan, Debata ni Israel tu hamu. Pandok ni Debata, ‘Narobi maringanan di bariba ni Batang aek Efrat do ompu na umpompar hamu. Marsomba tu angka debata na asing do halahi. Sahalak sian halahi, i ma si Terah amang ni si Abraham dohot si Nahor.

HAKIM-HAKIM 11:27

Nada, nada marsala au tu ho. Ho do na marsala hara ni na pajolohon mamorangi au. Tuhan ma Hakimna na mamutuskon parkaro on sadari on antara ni bangso Israel dohot bangso Amon.”

1 SAMUEL 20:23

Sai dijagohon Tuhan ma anso nian rap maniop hita tongtong di janjinta on antara hita na dua!”

1 SAMUEL 24:12

Ligi ma amang, ligi ma gotap-gotap ni baju ni raja i na hutiop on! Satutuna tarbunu au do nian raja i, tapi hum na saotik on sajo do hugotap. Jadi torang do na so adong rohangku mambaen na jahat sanga na giot mangago. Hape diayak-ayak raja do au haru pe nian na so adong saotik pe salangku maradopkon raja i.