PAMUNGKAAN 31:38 - BIBEL JAMITA NA DENGGAN

³⁸ Ma pola dua pulu taon au sainganan rap dohot ho, nada sundat mamopari biri-birimu dohot hambengmu, jana sada hambeng jantan pe nada unjung hupangan sian pahan-pahananmu.

PAMUNGKAAN 31:38 ပူးပေါင်းရင်းမြစ်များ

PAMUNGKAAN 30:27

Didok si Laban ma tusia, “Tangihon ma jolo hatangkon: Madung dipaboa sada halak partondung tu au, na dipasupasu ni Tuhan au hara ni ho.

PAMUNGKAAN 30:29

Dialusi si Jakob ma, “Diboto hamu do sanga na bia lojangku na karejo i di hamu, songon i ma bahatna tamba pahan-pahananmunu hara ni dengganna huparmahani.

PAMUNGKAAN 30:30

Dompak so ro au tuson, nada sadia dope sinadonganmu, hape saonnari madung sonang sajo, jana madung dipasupasu Tuhan ho hara ni au, hape andigan dope hatihana laho manyarihon na di au?”

PAMUNGKAAN 31:10

Jana di hatiha musimna angka pahan-pahanan i campur, marnipi do au huida sude hambeng jantan i angka na marbolang.

PAMUNGKAAN 31:37

Saonnari dung sude barang-barangku abis dipareso ho, parkokas rumahtangga ni aha ma na dapot ho? Paruar bo barang i, payakkon dison anso rap diida angka halakku dohot halakmu jana anso diputuskon sanga ise do sian hita na tigor.

PAMUNGKAAN 31:39

Ganop dipangan binatang panyoro sian pahan-pahananmi, matua laing na au ma manggonti harugianmu. Nada unjung huoban tu jolomu pahan-pahanan i gabe songon bukti paboa na so marsala au. Dituntut ho do sian au anso hugarari sandok na nitangko ni halak arian sanga borngin.

HARURUAR 23:26

Nada adong dadaboru na haambungan sanga na so maruntungan di luat ingananmunu. Hupaginjang pe umurmunu.

PANGARATAION 28:4

Pasupasuon ni Tuhan ma ho, gabe bahat anakmunu, marlobian suha ni ladangmunu jana bahat lombu dohot biri-birimunu.