PAMUNGKAAN 31:32 - BIBEL JAMITA NA DENGGAN

³² Anggo salaho tu dewami do, muda adong dapot ho sahalak sian na dison on manangkosa, nimatehon ma i uhumanna. Pareso hamu ma sanga na adong bagi na ahamunu. Muda adong antong, buat hamu ma. Jana angka halakta be ma na gabe saksina.” Nada diboto si Jakob, hape na si Rahel do mambuat dewa ni si Laban i.

PAMUNGKAAN 31:32 ပူးပေါင်းရင်းမြစ်များ

PAMUNGKAAN 13:8

Dung i didok si Abram ma hatana tu si Lot, “Na markahamaranggi do hita, nada denggan muda sai martangkangi angka halak na adong di ho dohot halakku.

PAMUNGKAAN 19:7

didok ia ma tu halak Sodom i, “Tangkas ma hupangido tu hamu ale angka dongan, ulang ma da baen hamu pangalaho na jat songon i!

PAMUNGKAAN 30:33

Mura do botoonmunu tu joloan on sanga na tigor au maradopkon hamu. Muda ro hamu sanga sadihari mamareso upangki, manigor mura do botoonmunu sanga na tigor na hubaen i tu hamu. Muda ro ho mamareso upangku, sugari sura ma adong hambengku na so marbolang sanga na so marturik, sanga sada biri-biri na so lomlom, disi botoonmu ma manigor na hutangko do pahan-pahanan i.”

PAMUNGKAAN 31:19

Topet do hatiha kehe si Laban manggusting angka biri-birina, jana disi ma ditangko si Rahel dewa parsaripeon nampuna ni amangnia i.

PAMUNGKAAN 31:23

Jadi dipalagut si Laban ma halaknia, jana rap ma ia dohot halahi mangkojar si Jakob pitu ari honokna lopus dapot halahi ia di Dolok Gilead.

PAMUNGKAAN 31:30

Huboto do hara ni lungun ni rohamu do tu luatmu umbaen na kehe ho, tapi biasi tangkoonmu dewa parsaripeonki?”

PAMUNGKAAN 31:31

Jadi dialusi si Jakob ma, “Umbaen na sip-sip pe da au kehe, hara ni na mabiar do au ditarik hamu borumunu i.

PAMUNGKAAN 31:33

Jadi masuk ma si Laban tu bagasan bandar ni si Jakob i laho mamareso; dung i masuk muse ma ia tu bandar ni si Lea dohot tu bandar ni naposo dadaboru na dua i, tapi nada adong dapot ia dewa i. Dung salpu i, masuk ma ia tu bandar ni si Rahel.