PAMUNGKAAN 31:30 - BIBEL JAMITA NA DENGGAN

³⁰ Huboto do hara ni lungun ni rohamu do tu luatmu umbaen na kehe ho, tapi biasi tangkoonmu dewa parsaripeonki?”

PAMUNGKAAN 31:30 ပူးပေါင်းရင်းမြစ်များ

PAMUNGKAAN 31:19

Topet do hatiha kehe si Laban manggusting angka biri-birina, jana disi ma ditangko si Rahel dewa parsaripeon nampuna ni amangnia i.

PAMUNGKAAN 31:31

Jadi dialusi si Jakob ma, “Umbaen na sip-sip pe da au kehe, hara ni na mabiar do au ditarik hamu borumunu i.

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

2 SAMUEL 5:21

Marlojongi ma tentara ni Pilistin i nada sanga be taroban halahi angka patung si sombaon ni halahi. Dipamuai si Daud dohot parangannia i ma patung i.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

JESAYA 37:19

Ditutungi jana ditapori halahi angka debatana, dibaen nada i Debata. Hum patung na nibaen sian hayu dohot batu sajo do i antong na nibaen ni tangan ni jolma; hara ni i do umbaen na bisa disegoi jolma.

JEREMIA 10:11

Hamu ale angka bangso, angkon paboaonmunu do tu halahi, sisegohonon do angka debata na so manompa langit dohot tano. Mago do halahi sian portibi on.)

JEREMIA 43:12

Pagaraonnia ma api di angka inganan pamelean ni debata ni Mesir, jana tutungan ni raja ni Babel ma angka patung na di inganan pamelean i sanga obanonna tu kotana. Songon parmahan na paiaskon pakeanna sian tusa, songon i muse ma ias ni Mesir sapuon ni raja ni Babel, lalu kehe ma ia mulak maroban hamonangan.

JEHESKIEL 21:21

Jongjong ma raja ni Babel di lambung papan tudu-tudu ni dalan i. Laho manontuhon sanga dalan dia na giot bolusonnia, sapaannia do i gana-ganaannia, hursuhonnia pana jana paresoonnia ate-ate ni binatang na baru dipelehon.

BILANGAN 10:30

“Tarimakasi ma da,” ning si Hobab mangalusi, “tapi anggo au giot mulak tu huta hagodanganku do.”

BILANGAN 33:4

di hatiha mananom anak siangkaan ni halahi na dung dibunu Tuhan i. Marhite na songon i ma dipatidahon Tuhan i, na gumogo do Ia sian angka debata ni halak Mesir.

JOSUA 24:2

Dung i mandok hata ma si Josua tu sude bangso i, “Tangihon hamu ma sanga aha na giot sidohonon ni Tuhan, Debata ni Israel tu hamu. Pandok ni Debata, ‘Narobi maringanan di bariba ni Batang aek Efrat do ompu na umpompar hamu. Marsomba tu angka debata na asing do halahi. Sahalak sian halahi, i ma si Terah amang ni si Abraham dohot si Nahor.

HAKIM-HAKIM 18:17

Manigor masuk ma tu bagas i anggo silima halak mata-mata i jana dibuat halahi ma patung hayu na marlampis perak i dohot angka patung na asing i dohot efod i. Laing jongjong do di hatiha i anggo doli-doli Marga Levi i rap dohot sionom ratus tentara i di pintu ni horbangan i.

HAKIM-HAKIM 18:24

Dialusi si Mika ma, “Ulang ma paula so diboto hamu! Nada he, hamu mambuat angka patung dohot malimna i jana dilarihon hamu? Saonnari nada adong be bagi na ahangku!”

HAKIM-HAKIM 6:31

Tapi dialusi si Joas ma tu angka na mangalap-alapi i tusia, “Di pihak ni Baal dehe hamu? Na giot mambela ia do hamu? Ise na di pihaknia, bunuon ma sadari on! Anggo Baal do antong Debata, padiar ma ia sandiri mambela dirinia, angke langgatannia do na dirorak i.”