PAMUNGKAAN 31:26 - BIBEL JAMITA NA DENGGAN

²⁶ Dung i didok si Laban ma tu si Jakob, “Biasi pola akalanmu au jana dilarihon ho ma antong angka borungki, songon dia ma rupani na tartangkup di porang dibaen ho halahi?

PAMUNGKAAN 31:26 ပူးပေါင်းရင်းမြစ်များ

PAMUNGKAAN 12:18

Jadi dipiohon raja i ma si Abram jana didok ma tusia, “Na mambaen bia dehe ho tu au? Biasi nada dipaboa ho na dongan saripemu ia?

PAMUNGKAAN 2:24

Hara ni i ma umbaen na nitadingkon ni halaklahi amangna dohot inangna, jana gabe sada dohot dadaboruna, gabe sada ma halahi na dua.

PAMUNGKAAN 26:10

“Na mambaen bia dehe ho tu hami?” ning si Abimelek. “Adong do da sada halak sian rayatkon na tarbaen modom dohot dongan saripemi. Jadi ampot sai tarjadi na songon i, ho ma da na martanggung jawab di hasalaannami i,” ning si Abimelek.

PAMUNGKAAN 29:25

Dung ancogotna i pe anso diboto si Jakob, hapengani si Lea do na niparsaripenia i. Jadi kehe ma si Jakob tu si Laban mandok, “Biasi ma he songon i baenonmu tu au? Nada he anso si Rahel do di au umbaen na karejo au? Biasi dipaoto-oto ho au?”

PAMUNGKAAN 3:13

Disapai Tuhan Debata ma tu dadaboru i, “Biasi dibaen ho songon i?” Jadi dialusi ia ma, “Na dipaoto-oto ni ulok i do au, gabe hupangan batu ni hayu i.”

PAMUNGKAAN 31:16

Sandok sinadongan na dung dibuat Debata sian amanta, hami noma nampunasa dohot angka dakdanaknami. Baen ma sanga aha na niparentahon ni Debata tu ho.”

PAMUNGKAAN 31:25

Madung dipajongjong si Jakob hian bandarnia di sada dolok-dolok. Dung i si Laban pe dibaen ia ma bandarnia dohot halaknia i di dolok-dolok na asing di na humaliang i muse.

PAMUNGKAAN 31:27

Biasi pola akalanmu au gabe sip-sip ho kehe, nada marpaboa? Sugari marpaboa ho tu au pasti do hupatola ho laho kehe di bagasan jop ni roha jana niendean dohot musik dohot hasapi!

PAMUNGKAAN 31:36

Gabe muruk ma si Jakob, “Aha ma he hajahatan na hubaen lakna?” ning ia manyonggak. “Aturan dia ma he na hulanggar umbaen na adong hakmu dihilala ho laho mangkojar-kojar au?

PAMUNGKAAN 34:29

Dibuat halahi ma sude barang-barang na mararga, ditangkup halahi ma angka dadaboru, angka dakdanak, jana dirampas halahi ma sude na adong di bagasan bagas na di kota i.

PAMUNGKAAN 4:10

Jadi didok Tuhan ma, “Biasi angkon baenonmu pangalaho na jorbut i? Pio-pio do mudar ni anggimi sian tano i, songon sora na mangangguk mangido pamalosan.

JOHANNES 18:35

Dialusi si Latus ma, “Halak Jahudi dehe au lakna? BangsoMi sandiri dohot angka sintua ni malim i do na pasahatkon Ho tu au. Aha do lakna na nibaenMu?”

JOSUA 7:19

Didok si Josua ma tu si Akan, “Ale anak hasian! Oku jana dokkon ma torus torang di jolo ni Tuhan, Debata ni Israel, sanga aha na nibaenmu. Paboa ma tu au, ulang bunihon.”

1 SAMUEL 14:43

Dung i didok si Saul ma tu si Jonatan, “Aha lakna dibaen ho?” Dialusi si Jonatan ma, “Na hudai do saotik aer ni loba dohot ujung ni tungkotku; rade do au mate.”

1 SAMUEL 17:29

Dialusi si Daud ma, “Aha he salangku? Na manyapai sajo do au!”

1 SAMUEL 30:2

Sahalak pe nada adong dibunu halahi. Tapi disurbu halahi sude kota i jana dipatorus halahi mardalan maroban angka dadaboru, dakdanak dohot halak kota i na deba nari.