PAMUNGKAAN 31:24 - BIBEL JAMITA NA DENGGAN

²⁴ Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 31:24 ပူးပေါင်းရင်းမြစ်များ

PAMUNGKAAN 20:3

Di sada borngin dipatidahon Debata ma diriNia tu raja i di bagasan nipi jana didok ma, “Mate noma ho, angke dibuat ho do antong dadaboru i na dung adong halaklahina.”

PAMUNGKAAN 20:6

Jadi dialusi Debata ma di bagasan nipi, “Tutu do i, Huboto do sian roha na ias do dibaen ho songon i; hara ni i ma umbaen na Husundati ho mardosa maradopkon Au, jana nada Hupadiar ho manjama dadaboru i.

PAMUNGKAAN 24:50

Mangalusi ma si Laban dohot si Betuel, “Dibaen na sian Tuhan do haroro ni pangalaho on, nada patut hami mambaen haputusan.

PAMUNGKAAN 28:5

Jadi songon i ma dipabuat si Ishak anakna si Jakob tu Mesopotamia mandapotkon si Laban anak ni si Betuel halak Aram i. Iboto ni si Laban ma da si Ribka inang ni si Jakob dohot si Esau i.

PAMUNGKAAN 31:10

Jana di hatiha musimna angka pahan-pahanan i campur, marnipi do au huida sude hambeng jantan i angka na marbolang.

PAMUNGKAAN 31:11

Jana mangkobari do Debata songon rupa ni surusuruan tu au di bagasan nipi i didok, ‘Jakob!’ ninna. Gabe hualusi ma, ‘Olo da’.

PAMUNGKAAN 31:23

Jadi dipalagut si Laban ma halaknia, jana rap ma ia dohot halahi mangkojar si Jakob pitu ari honokna lopus dapot halahi ia di Dolok Gilead.

PAMUNGKAAN 31:25

Madung dipajongjong si Jakob hian bandarnia di sada dolok-dolok. Dung i si Laban pe dibaen ia ma bandarnia dohot halaknia i di dolok-dolok na asing di na humaliang i muse.

PAMUNGKAAN 31:29

Markuaso do da au mambaen na jat tu ho, tapi napotangin dipaingot Debata na nisomba ni amangmi do au anso ulang huancam ho.

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 31:7

Tapi haru songon i pe laing dipaoto-oto do au jana ma pola sampulu noli dipauba-uba halahi upangku. Tapi nada dipadiar Debata ia torus mambaen na jat tu au.

PAMUNGKAAN 40:5

Sanoli, borngin-borngin rap marnipi ma pangurus ni siinumon dohot pangurus ni roti i. Jana adong be do arti ni nipi ni halahi i.

PAMUNGKAAN 41:1

Dung salpu dua taon, marnipi ma raja Mesir, songon na jongjong ia di topi ni Batang aek Nil.

2 SAMUEL 13:22

Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

JOB 33:25

Tohong jana margogo ma pamatangna i marmiak songon doli-doli.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

HOSEA 12:12

hape haru songon i pe laing adong do na marsomba gana-ganaan di Gilead dohot na mamelehon lombu di ginjang ni langgatan na di Gilgal. Tapi muli mate do halahi na marsomba gana-ganaan i, jana angka langgatan na di Gilgal i pe gabe batu na nipagukguk di ladang do.”

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

BILANGAN 22:20

Borngin i ro ma Debata mangkatai dohot si Bileam, ninna ma, “Ro halak on mangido anso rap kehe hamu ancogot, antong marhobas ma ho anso kehe. Tapi hum na Hudok i do na patut karejohononmu.”

BILANGAN 22:26

Mardalan ma muse Surusuruan Ni Tuhan i jongjong di dalan na sompit situtu, jabat nada tarbolus be tu siambirang sanga tu siamun.

BILANGAN 24:13

haru pe dilehen ho di au sude perak dohot sere na adong di bagas godangmi, nada langgaronku parenta ni Tuhan jana mambaen roha-rohangku sajo. Hum na nisuru ni Tuhan do dohononku, hum i do na ra au mandokkon.”

MATEUS 1:20

Hatiha manimbangi pangalaho i dope si Josep, marnipi ma ia. Diida ia ma di nipinia i, ro ma sada surusuruan mandok tusia, “Ale Josep, anak ni si Daud, ulang ho mabiar mambuat si Maria gabe dadaborumu. Harana, sian kuaso ni Tondi Parbadia do na di pamatangna i.

MATEUS 2:12

Laho mulak halahi tu kotana, inda sian dalan na parjolo i be dibolus halahi. Angke ro do Debata paingotkon halahi markite-hite nipi, anso ulang be mangulahi halahi mandapotkon si Herodes.

MATEUS 27:19

Taran juguk si Latus di inganan panguhuman i, ditonahon dadaborunia ma tusia, “Indangkon sai antoi parkaro ni bayo na so marsala i. Harana jatjat do nipingku saborngin on hara ni Ia.”

PANGARATAION 26:5

Dung i di adopan ni Tuhan angkon pajojoronmu do hata on: ‘Halak Aram na mimbarimbar do daompung, sada halak na madang-adang na so adong bagas ingananna. Dioban ia do ripenia tu Mesir anso maringanan ia disi. Di na kehe i tusi, saotik do bilangan ni halahi, hape gabe bangso na godang do halahi jana na gogo.