PAMUNGKAAN 31:23 - BIBEL JAMITA NA DENGGAN

²³ Jadi dipalagut si Laban ma halaknia, jana rap ma ia dohot halahi mangkojar si Jakob pitu ari honokna lopus dapot halahi ia di Dolok Gilead.

PAMUNGKAAN 31:23 ပူးပေါင်းရင်းမြစ်များ

PAMUNGKAAN 13:8

Dung i didok si Abram ma hatana tu si Lot, “Na markahamaranggi do hita, nada denggan muda sai martangkangi angka halak na adong di ho dohot halakku.

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

PAMUNGKAAN 31:22

Dung tolu ari pe anso dipaboa tu si Laban na dung lari si Jakob.

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

HARURUAR 2:11

Dung magodang si Musa, saulak kehe ma ia mangaligi-ligi bangsonia i sandiri, i ma halak Ibrani. Gabe diida ia ma sanga songon dia halahi markarejo paksa borat situtu. Diida ia muse ma sada halak Mesir mamukul halak Ibrani, sahalak sian bangsonia sandiri.

HARURUAR 2:13

Ancogotna i ro muse ma si Musa, diida ia ma dua halak Ibrani topet marbadai. “Biasi dipukul ho dongan sabangsomu?” ninna si Musa tu halak na marsala i.