PAMUNGKAAN 31:13 - BIBEL JAMITA NA DENGGAN

¹³ Au do Debata na pataridahon diringKu tu ho di Betel. Madung dibaen ho disi sada batu gabe hapunjunganKu, di na niusehonmu miak zetun di ginjang ni batu i. Laing marsumpa do ho tu Au disi. Saonnari marhobas ma ho jana mulak ma ho tu luat hatubuanmu.’ ”

PAMUNGKAAN 31:13 ပူးပေါင်းရင်းမြစ်များ

PAMUNGKAAN 31:11

Jana mangkobari do Debata songon rupa ni surusuruan tu au di bagasan nipi i didok, ‘Jakob!’ ninna. Gabe hualusi ma, ‘Olo da’.

PAMUNGKAAN 31:14

Jadi dialusi si Lea ma dohot si Rahel, “Nada adong hian be sinadongan ni amanta na patut teanonnami.

PAMUNGKAAN 31:3

Jadi didok Tuhan ma tu si Jakob, “Mulak ma ho tu luat ni amangmu dohot tu angka kahanggimu. Sai na dongananKu do ho.”

PAMUNGKAAN 32:9

Dung i martangiang ma si Jakob, “O, Debata na nisomba ni daompung si Abraham, jana na nisomba ni damang si Ishak, tangihon ma au! Ho do na marsuru au ale Tuhan, anso mulak au mangulahi tu luatku dohot tu angka koum sisolkotku. Jana dijanjihon Ho do na aturonMu sude angka na denggan di au.

PAMUNGKAAN 35:1

Sanoli didok Debata ma tu si Jakob, “Au ma da Debata na pataridahon diringKu tu ho di na lari i ho sian angkangmu si Esau. Ompoti ma kehe tu Betel. Disi ma ho maringanan jana pajongjong ma sada langgatan di Au.”

PAMUNGKAAN 35:7

Dipajongjong si Jakob ma disi sada langgatan jana dibaen ia ma goar ni inganan i “El-Betel”, angke disi ma dipataridahon Debata diriNa tu si Jakob di na lari ia sian angkangnia.