PAMUNGKAAN 31:12 - BIBEL JAMITA NA DENGGAN

¹² Didok surusuruan i ma muse, ‘Ligi pe da, bolang dohot na marturik do sude hambeng jantan i. Au do mambaen songon i, angke madung Huida sanga songon dia pambaen ni si Laban maradopkon ho.

PAMUNGKAAN 31:12 ပူးပေါင်းရင်းမြစ်များ

PAMUNGKAAN 31:10

Jana di hatiha musimna angka pahan-pahanan i campur, marnipi do au huida sude hambeng jantan i angka na marbolang.

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 139:3

Diida Ho do au, sanga na karejo sanga na maradian; diboto Ho do sude na hubaen.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

HARURUAR 3:9

Madung Hubege tangis ni bangsongKi jana madung Huida sanga songon dia halahi diparkanciti halak Mesir.

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

HAMALIMON 19:13

Ulang paksa sanga rampas barang ni donganmu. Ulang simpan gaji ni halak na ni gajianmu, haru pe hum saborngin.

BAENON NI ANGKA RASUL 7:34

Madung Huida jana Huparrohahon hapaeton ni parkancitan na nitaon ni bangsongKi di tano Mesir. Madung Hubege holos ni halahi jana mijur ma Au laho paluahon halahi. Beta ma saonnari! SuruonKu ma ho mangulahi tu tano Mesir.’

EPESUS 6:9

Hamu dongan na gabe tuan! Angkon laing songon i do hamu maradopkon angka hatobanmunu. Antak hamu ma na mamake ondam-ondam. Angkon ingotonmunu do, rap satuan do hamu dohot angka hatobanmunu i, i ma tu Tuhan na di banua ginjang i. Nada mardia imbar halak diSia.

PANGARATAION 24:15

Ganop ari painte so lusut mataniari, angkon gararonmunu do gajina na markarejo sadari i, sai arop do rohania anso dapot ia antong hepeng i hara ni porluna i disia. Muda nada digarar hamu upana i, pio-pio ma ia tu Tuhan mangaduhon hamu jana torang ma hamu mardosa dokkononna.