PAMUNGKAAN 31:1 - BIBEL JAMITA NA DENGGAN

¹ Tarbege ma tu si Jakob adong hata ni angka anak ni si Laban songon on, “Ma dibuat si Jakob sude sinadongan ni amanta i. Sude sinadongannia i, sian harto ni amanta do asal ni i.”

PAMUNGKAAN 31:1 ပူးပေါင်းရင်းမြစ်များ

PAMUNGKAAN 30:43

Jadi sian dalan na songon i gabe kayo sajo ma si Jakob. Gabe bahat ma marhulanan hambeng biri-biri ni si Jakob, untonia, halodenia dohot angka hatobannia.

PAMUNGKAAN 31:2

Boti diida si Jakob nada songon na parjolo i be rama ni si Laban tusia.

PAMUNGKAAN 31:43

Jadi dialusi si Laban ma si Jakob, “Borungku do da na dua i, au do nampuna dakdanak ni halahi i, jana au muse do nampuna pahan-pahanan i. Satutuna, sanga aha na niidamu dison, au ma da nampuna i. Tapi hara ni na so tarbaen au be sanga na aha laho mampartahankon angka pahompungkon,

PAMUNGKAAN 45:13

Paboa ma tu amanta sanga songon dia godang ni kuasongku di Mesir on jana caritohon ma tusia sandok na niidamunu. Jadi manigor oban hamu ma amanta tuson.”

ESTER 5:11

Jadi manggambung ma si Haman tu halahi mambonggalkon sinadongannia, bahat ni anaknia halaklahi, jabatannia na penting na nijagitnia sian raja dohot pangkatnia na gumincat sian angka pagawe na asing i.

JOB 31:31

Diboto angka halak na markarejo tu au do, hutamu do di bagasku sanga ise sajo.

MASMUR 17:14

Palua ma au dohot tanganMu, ale Tuhan, sian angka jolma portibi on, na dapotan bagian di pangoluon on, padiar ma dipabutong butuha ni halahi dohot na dung dipasingkopMu, gabe dohot ma angka dakdanak ni halahi butongan, jana angka na teba i dilehen tu angka dakdanak na menek.

MASMUR 57:4

Dihobuk musu au, songon singa sipangan jolma halahi. Hujur dohot pana do ipon ni halahi, podang na tajom do dila ni halahi.

PODA 14:30

Roha na sonang pahoras pamatang; na mangiburu tarsongon nyae na maroban tu hamatean.

PODA 27:4

Kejam do haririmas jana manyegohon, tapi ise ma na tahan mangadopi pangiburuon?

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

JESAYA 5:14

Maradu ngangang ma pamangan ni rura hamatean laho mambondut angka halak na godang di Jerusalem rap dohot rayat na somal marpesta i.

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

JEHESKIEL 16:44

Didok Tuhan ma, “Ale Jerusalem, pakeon ni halak ma umpama on tu hamu, ‘Songon i inangna, songon i muse do dakdanakna.’

MATEUS 4:8

Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

1 TIMOTEUS 6:4

Angka siginjang roha do i, hape nian so adong na binotona sanga aha! Na tagi-tagi marsoal dohot martongkari do i taringot tu angka pandohan, na mambaen anyok ni roha, hasisirang, marsitilakoan, manuhas na so ture,

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

1 PETRUS 1:24

Tarsurat do di Buku Na Badia i songon on, “Tarsongon duhut-duhut do sude jolma, jana songon bunga ni duhut i do hasangapanna. Malos ma duhut i, marurus muse ma bungana i;