PAMUNGKAAN 30:43 - BIBEL JAMITA NA DENGGAN

⁴³ Jadi sian dalan na songon i gabe kayo sajo ma si Jakob. Gabe bahat ma marhulanan hambeng biri-biri ni si Jakob, untonia, halodenia dohot angka hatobannia.

PAMUNGKAAN 30:43 ပူးပေါင်းရင်းမြစ်များ

PAMUNGKAAN 12:16

Hara ni si Sarai, gabe denggan ma pambaenan ni raja i tu si Abram, jana dilehen ma disia angka hatoban, biri-biri dohot hambeng, lombu, halode dohot unto.

PAMUNGKAAN 13:2

Kayo situtu do si Abram, adong do biri-birinia, hambeng, lombu songon i muse perak dohot sere.

PAMUNGKAAN 24:35

Marlobi-lobi do pasupasu ni Tuhan di si Abraham jana dibaen do ia gabe halak na santak kayo. Madung dilehen Tuhan disia biri-biri na marhulanan-hulanan, hambeng, lombu, unto, halode, perak, sere, hatoban halaklahi dohot dadaboru.

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PAMUNGKAAN 30:30

Dompak so ro au tuson, nada sadia dope sinadonganmu, hape saonnari madung sonang sajo, jana madung dipasupasu Tuhan ho hara ni au, hape andigan dope hatihana laho manyarihon na di au?”

PAMUNGKAAN 30:42

Tapi anggo di jolo ni pahan-pahanan na gale, nada dipayakkon ia hayu i. Jadi sude pahan-pahanan na bontar, gale do i; jana i ma puna ni si Laban. Hape anggo na lomlom, na marturik dohot na marbolang i, na gogo do sude, jana i ma nampuna ni si Jakob.

PAMUNGKAAN 31:1

Tarbege ma tu si Jakob adong hata ni angka anak ni si Laban songon on, “Ma dibuat si Jakob sude sinadongan ni amanta i. Sude sinadongannia i, sian harto ni amanta do asal ni i.”

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 32:10

Nada patut au manjagit sude holong ni roha dohot haburjuon na dung nipatuduhonMi tu au di na kehe au manaripari Batang aek Jordan, nada maroban bagi aha au asing sian tungkotku. Saonnari ro au mangulahi rap dohot na dua rombongan on.

PAMUNGKAAN 32:5

Saonnari adong do lombungku, halode, biri-biri, hambeng dohot angka naposo bage. Na paboahon ma au tu tuanku mardongan arop ni roha, jop roha ni tuanku.’ ”

PAMUNGKAAN 33:11

Na mangido ma au, anso laing jagitonmu somba-somba na huoban on di ho. Madung dihaholongi Debata au jana dilehen di au sanga aha na porlu di au.” Sai torus ma disosoi si Jakob lopus dijagit si Esau ujungna silehen-lehen i.

PAMUNGKAAN 36:7

Ditadingkon si Esau pe si Jakob hara ni na so tuk do luat na niinganan ni halahi i mangalehen panganon ni pahan-pahanan ni halahi i hara ni bahatna.

PARJAMITA 2:7

Bahat do parkarejongku, na hutobusi bope na sorang di bagasku. Dao do umbahat pahan-pahananku sian pahan-pahanan ni sanga ise pe na jungada maringanan di Jerusalem.

JEHESKIEL 39:10

Jadi nada pola be mambuat soban halahi di ladang sanga martaba hayu di harangan, dibaen tuk do bahat ni angka sinjata i pakeon baen soban. Pambuatan jana rampasan ni halahi ma arta ni angka halak na dung mambuati dohot mangarampas arta ni halahi. Au Tuhan Debata madung mandok songon i.”

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.