PAMUNGKAAN 30:25 - BIBEL JAMITA NA DENGGAN

²⁵ Dung ditubuhon si Rahel si Josep, didok si Jakob ma tu si Laban, “Paloas ma au kehe mulak tu luatku.

PAMUNGKAAN 30:25 ပူးပေါင်းရင်းမြစ်များ

PAMUNGKAAN 18:33

Dung sidung manghobari dohot si Abraham kehe ma Tuhan jana mulak ma si Abraham tu bagasnia.

PAMUNGKAAN 24:54

Dung i pe anso mangan minum hatoban ni si Abraham dohot angka donganna i, jana disi ma halahi marborngin. Dung tarsunggul halahi manyogotna i didok hatoban i ma, “Loas hamu ma da mulak au tu tuanku.”

PAMUNGKAAN 24:56

Tapi didok hatoban i ma, “Ulang be da tahan hamu hami. Madung marjurus dibaen Tuhan na hudalankon; paloas hamu ma da mulak au tu tuanku.”

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:15

Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”

PAMUNGKAAN 31:13

Au do Debata na pataridahon diringKu tu ho di Betel. Madung dibaen ho disi sada batu gabe hapunjunganKu, di na niusehonmu miak zetun di ginjang ni batu i. Laing marsumpa do ho tu Au disi. Saonnari marhobas ma ho jana mulak ma ho tu luat hatubuanmu.’ ”

PAMUNGKAAN 31:55

Ancogotna i manyogot dope, diummai si Laban ma angka pahompunia i, dohot borunia i tanda ni parsirangan, jana dipasupasu, lalu kehe ma ia mulak tu inganannia.

IBRANI 11:9

Mardongan haporsayaan tu Debata, songon halak na ro do si Abraham di luat na nijanjihon ni Debata i tusia. Maringanan ma si Abraham disi di bagasan bandar. Laing songon i do si Ishak dohot si Jakob na dung dohot manjagit janji i sian Debata.