PAMUNGKAAN 30:20 - BIBEL JAMITA NA DENGGAN

²⁰ Didokkon ia ma, “Madung dilehen Debata di au silehen-lehen na lobi jeges. Saonnari jagiton ni halaklahingku ma au, harana ma pola onom anak halaklahi hutubuhon,” hara ni i dibaen ia ma goar ni dakdanak i si Zebulon.

PAMUNGKAAN 30:20 ပူးပေါင်းရင်းမြစ်များ

PAMUNGKAAN 29:34

Denggan ma pamatang ni si Lea mangulahi jana sorang ma sada anaknia halaklahi. Ning ia ma, “Saonnari mur tarihot ma tu au roha ni halaklahingku, angke ma pola tolu anak hutubuhon.” Jadi dibaen ia ma goar ni anaknia i, si Levi.

PAMUNGKAAN 30:15

Ning si Lea ma mangalusi, “Na so tuk dope lakna halaklahingki buatonmu? Hape mur giot buatonmu dope saonnari ubat na dapot ni anakki.” Ning si Rahel ma, “Anggo dilehen ho do ubat i na dapot ni anakmi di au, hupatola pe ho rap modom dohot si Jakob borngin on.”

PAMUNGKAAN 30:19

Denggan ma pamatang ni si Lea mangulahi jana sorang ma anaknia na paonomkon.

PAMUNGKAAN 30:21

Dung i ditubuhon si Lea ma muse sada boru na margoar si Dina.

PAMUNGKAAN 34:12

Dok hamu ma sanga aha do silehen-lehen por ni rohamunu, jana tontuhon hamu ma sanga sadia bolina. Hulehen pe sanga aha na nipangidomunu, asal ma dipatola hamu hualap borumunu i.”

PAMUNGKAAN 35:23

Angka on ma anak ni si Lea: Si Ruben (i ma anak siangkaan ni si Jakob), si Simeon, si Levi, si Juda, si Isakar dohot si Zebulon.

PAMUNGKAAN 46:14

Si Zebulon; dakdanaknia: Si Sered, si Elon dohot si Jahleel.

PAMUNGKAAN 49:13

Si Zebulon ma na maringanan donok tu laut. Ro ma angka kapal di topina marlabu, lopus tu Sidon bidang ni luatna.

MASMUR 68:27

Ligi ma, indi ma si Benyamin marga siampulan i, mardalan dijolo, ihut angka pamimpin ni Juda sibahat-bahat i. Mardalan ma di pudi ni halahi angka pamimpin ni Zebulon dohot Naftali.

HARURUAR 22:17

Tapi muda nada diisinkon amang ni bujing-bujing i buaton ni bayo i borunia i, angkon gararan ni bayo i do tu amang ni anak boru i sabahat ni sere boli ni sada bujing-bujing.

MATEUS 4:13

Ditadingkon Ia ma kota Nasaret, kehe ma Ia maringanan tu kota Kapernaum. I ma sada kota di topi ni Dano Galilea na masuk tu Luat Zebulon dohot Naftali.

PANGARATAION 27:13

Di hatiha na pajojorkon hata bura, angkon jongjong do Marga Ruben, Gad, Aser, Zebulon, Dan dohot Naftali di ginjang ni Dolok Ebal.

HAKIM-HAKIM 4:10

Jana diarahon si Barak ma Marga Zebulon dohot Naftali tu Kedes. Adong ma sampulu ribu halak bahatna di hatiha i na mangihutkon si Barak dohot si Debora.

HAKIM-HAKIM 5:14

Sian Efraim torus manuat halahi mardalan tu rura, mangihutkon parangan ni Benyamin na marbaris di jolona. Marroan sian Mahir angka panglima, dohot sian Zebulon marjongjongan ma angka perwira.

1 SAMUEL 18:25

jana disuru si Saul ma halahi mandok tu si Daud, songon on, “Hum saratus do sibur-sibur ni halak Pilistin dipangido roha ni raja i songon bolina, i ma na songon palalu hosom tu musu ni raja i.” (On ma sangkap ni si Saul laho pasahatkon si Daud tu halak Pilistin.)