PAMUNGKAAN 30:2 - BIBEL JAMITA NA DENGGAN

² Gabe muruk ma si Jakob tu si Rahel, ning ia ma, “Nanggo au da Debata. Ia do na mambaen na so maruntungan ho.”

PAMUNGKAAN 30:2 ပူးပေါင်းရင်းမြစ်များ

PAMUNGKAAN 16:2

Jadi didok si Sarai ma tu si Abram, “Lakna na so tumbuk do roha ni Tuhan manubuhon dakdanak au. Hara ni i dumenggan ma da rap modom ho dohot hatobanki. Betak na tartubuhon ia do anak di au.” Satuju do si Abram di usul ni si Sarai i.

PAMUNGKAAN 25:21

Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

PAMUNGKAAN 29:31

Di na niida ni Tuhan na so sadia si Lea dihaholongi songon si Rahel, dipaloas Tuhan ma si Lea mardakdanak. Tapi anggo si Rahel nada maruntungan.

PAMUNGKAAN 31:36

Gabe muruk ma si Jakob, “Aha ma he hajahatan na hubaen lakna?” ning ia manyonggak. “Aturan dia ma he na hulanggar umbaen na adong hakmu dihilala ho laho mangkojar-kojar au?

PAMUNGKAAN 50:19

Tapi didok si Josep ma tu halahi, “Ulang pola mabiar hamu; harana nanggo Debata au.

2 RAJA-RAJA 5:7

Di na nisise ni raja Israel i surat i, disibak-sibak ia ma pakeannia jana didok ia ma, “Hara ni aha dehe umbaen na dipangido ni raja Siria i au pamalumkon bayo on? Nada Debata au na markuaso pangoluhon sanga mamatehon jolma! Pasti na manjalak-jalahi bonsir do raja ni Siria i anso martangkangi dohot au!”

MASMUR 113:9

Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!

MASMUR 127:3

Anggo satutuna, arta pusako ni Tuhan do dakdanak halaklahi, silehen-lehen ni Debata do halahi.

HARURUAR 32:19

Jana dung donok ia tu parbandaran i, diida ia ma anak ni lombu i dohot halak na manortori, gabe muruk sajo ma si Musa; didanggurkon ia ma batu si dua lambar i sian tangannia jana ditaporkon ia ma tu pat ni dolok i.

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

LUKAS 1:42

Dung i mangkuling ma ia marhite sora na gogo, “Dipasupasu do ho sian sude dadaboru jana dipasupasu muse ma parbatu ni butuhamu.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

1 SAMUEL 1:5

Tapi laing dilehen ia muse do deba di si Hanna, angke sun do holong ni roha ni si Elkana tusia, haru pe na so dilehen Tuhan anak disia.