PAMUNGKAAN 30:17 - BIBEL JAMITA NA DENGGAN

¹⁷ Ditangihon Debata ma pangidoan ni si Lea, denggan ma pamatangnia jana sorang ma anaknia na palimahon.

PAMUNGKAAN 30:17 ပူးပေါင်းရင်းမြစ်များ

PAMUNGKAAN 30:16

Di na muli si Jakob sian padang andospotang i, dialo-alo si Lea ma ia jana didok ma, “Anggo saborngin on, rap dohot au ma ho modom harana madung hugarari dohot ubat na sian anakki.” Jadi campur ma halahi di podoman borngin i.

PAMUNGKAAN 30:18

Ning si Lea ma, “Madung dilehen Debata di au pasupasu, hara ni na hulehen i si Zilpa tu halaklahingki.” Jadi hara ni i, dibaen ia ma goar ni anaknia i, si Isakar.

PAMUNGKAAN 30:22

Jadi diingot Debata ma si Rahel; ditangihon Debata ma pangidoannia jana dipatola Debata ma ia mardakdanak.

PAMUNGKAAN 30:6

Didok si Rahel ma, “Pihak tu au do hape Debata. Ditangihon Ia do pangidoanku jana dilehen Ia do di au sada anak halaklahi.” Jana dibaen ia ma goar ni dakdanak i, si Dan.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”