PAMUNGKAAN 30:15 - BIBEL JAMITA NA DENGGAN

¹⁵ Ning si Lea ma mangalusi, “Na so tuk dope lakna halaklahingki buatonmu? Hape mur giot buatonmu dope saonnari ubat na dapot ni anakki.” Ning si Rahel ma, “Anggo dilehen ho do ubat i na dapot ni anakmi di au, hupatola pe ho rap modom dohot si Jakob borngin on.”

PAMUNGKAAN 30:15 ပူးပေါင်းရင်းမြစ်များ

PAMUNGKAAN 30:14

Hatiha masa sabion, kehe ma da si Ruben tu padang-padang, jana dapot ia ma disi sabangso duhut na margoar dudaim, jadi dioban ia ma i tu si Lea, inangnia i. Didok si Rahel ma tu si Lea, “Bia lehen ma di au deba ubat na dapot ni anakmi.”

PAMUNGKAAN 30:16

Di na muli si Jakob sian padang andospotang i, dialo-alo si Lea ma ia jana didok ma, “Anggo saborngin on, rap dohot au ma ho modom harana madung hugarari dohot ubat na sian anakki.” Jadi campur ma halahi di podoman borngin i.

JESAYA 7:13

Dung i didok si Jesaya ma, “Antong anggo songon i, tangihon ma ale pomparan ni Raja Daud! Na so tuk dope he hum jolma lojaanmu, umbaen jabat lojaanmu dope Debatangku?

JEHESKIEL 16:47

Sombu dehe dihilala ho mangihutkon indege ni halahi dohot maniru parange ni halahi sihagigian i? Nada podo! Santongkin nari jumorbut muse dope ho sian halahi.

BILANGAN 16:13

Madung tuk ho maroban hami haruar sian Mesir na napu i laho mamunu hami di parhorsihan on. Saonnari ho muse dope markuaso tu hami?

1 KORINTUS 4:3

Anggo di au nada marimbar sanga na aha dipikiri hamu taringot tu au, bope pikiran ni halak na asing. Salangkan pikiranku taringot tu au sandiri, nada pola soal i huhilala.