PAMUNGKAAN 30:1 - BIBEL JAMITA NA DENGGAN

¹ Hape anggo si Rahel laing so maruntungan do. Jadi gabe mangiburu ma ia mida angkangnia i, jana didok ia ma tu si Jakob, “Lehen ma da di au anak! Anggo inda, mate noma da au.”

PAMUNGKAAN 30:1 ပူးပေါင်းရင်းမြစ်များ

PAMUNGKAAN 29:31

Di na niida ni Tuhan na so sadia si Lea dihaholongi songon si Rahel, dipaloas Tuhan ma si Lea mardakdanak. Tapi anggo si Rahel nada maruntungan.

PAMUNGKAAN 37:11

Goyak ma roha ni angka angkangna i mida si Josep, tapi anggo amangna i laing marpikir-pikir do taringot tu nipi i.

1 RAJA-RAJA 19:4

jana kehe ma ia dalanan pat sadari daona tu parhorsihan jana maradian ma ia di toru ni hayu na rumbun. Juguk ma ia disi jana gumonan noma mate ning rohania. “Nada tahan au be on Tuhan,” ning ia tu Tuhan. “Buat ma da hosangkon, dumengganan noma au mate!”

JOB 13:19

O Tuhan, betak sai ro Ho jana manuhas au, hohom noma da au, painte ujung ni ngolungku.

JOB 3:11

Biasi so mate di bortian ni dainang au? Sanga mate mardongan tubu-tubungku?

JOB 5:2

Hum halak na bodo sun do na mate hara ni hancit ni rohana sajo.

MASMUR 106:16

Mangiburu do halahi di parhorsihan i maradopkon si Musa dohot si Harun naposoMu na badia i.

PODA 14:30

Roha na sonang pahoras pamatang; na mangiburu tarsongon nyae na maroban tu hamatean.

PODA 30:16

Portibi ni halak na mate, dadaboru na so unjung mardakdanak, tano na hiang na mangido udan, dohot api na mandilat humaliang.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”

BILANGAN 11:29

Dialusi si Musa, “Biasi dukungonmu au? Giot pangidoonku dope tu Tuhan i anso dilehen Ia TondiNia tu sude bangsoNia, jana anso sude halahi mangkatai songon panurirang!”

JOHANNES 4:3

Dung tarboto tu Jesus na dung tarbege na songon i tu halak Parise, gabe kehe ma Ia sian Judea jana mulak tu Galilea.

JOHANNES 4:8

Angke ma kehe tu kota anak siseanNia manobusi panganon.

1 KORINTUS 3:3

hara ni ngolumunu na laing tongtong dope mangihutkon bako ni jolma portibi. Angke muda laing mangiburui do hamu jana marbadai na sada tu na asing, i ma tandana paboa na laing mangolu mangihutkon bako ni jolma portibi dope hamu, songon angka jolma na di portibi on.

2 KORINTUS 7:10

Angke anggo hamarsahan na tumbuk tu roha ni Debata do, parohon haubaan ni roha na paluahon do i. Jana nada manyosal halak sisongon i. Tapi anggo hamamarsak na sian tano on, arsak na mamatehon do i.

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 4:5

Ulang ma didok rohamunu na so marguna na nidok ni Buku Na Badia i, “Madung dibaen Debata sada tondi na malungun situtu maringanan di bagasan hita.”

1 SAMUEL 1:10

Marsak sajo roha ni si Hanna, jana martangiang ma ia tu Tuhan lalu tangis panguncombopon.