PAMUNGKAAN 3:8 - BIBEL JAMITA NA DENGGAN

⁸ Marayak potang ari dibege halahi ma Tuhan Debata mardalan di kobun i, gabe martabuni ma halahi di holang-holang ni angka hayu i anso ulang diida Tuhan Debata halahi.

PAMUNGKAAN 3:8 ပူးပေါင်းရင်းမြစ်များ

PAMUNGKAAN 18:33

Dung sidung manghobari dohot si Abraham kehe ma Tuhan jana mulak ma si Abraham tu bagasnia.

PAMUNGKAAN 3:10

Dialusi halaklahi i ma, “Mabiar do au dung hubege Ho ro tu kobun on gabe martabuni au, angke marsaemara do au.”

JOB 22:14

Diambang ho do lakna holip panatapanNa baenon ni ombun di na mardalan Ia di batas antara ni langit dohot tano?

JOB 31:33

Anggo halak na asing dibunihon do dosana, hape anggo au nada unjung songon i da.

JOB 38:1

Dung salpu i mangkuling ma Tuhan sian halingsungsung tu si Job, songon on:

PODA 15:3

Diida Tuhan do sudena na tarjadi di sude inganan; diparrohahon Ia do sudena na denggan dohot na jat.

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

HAMALIMON 26:12

Rap do Au dohot hamu, Au do gabe Debatamunu jana hamu gabe bangsongKu.

JUNUS 1:3

Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

SURAT NI SI PAULUS TU PARLAGUTAN ROM 2:15

Pangalaho ni halahi ma na patuduhon paboa na dung tarsurat di ate-ate ni halahi angka aturan i. Dohot muse do taroktok ni halahi manyaksihon i, angke halahi sandiri pe jotjot do huhul dipasala sanga ditudu roha ni halahi.

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

PANGARATAION 4:33

Unjung ma he adong sada bangso na hot mangolu dung dibege sada debata mangkuling tu halahi sian api, songon na nialamanmunu i?

PANGARATAION 5:25

Hapengani tu aha dope angkon sai porangkononnami hosanami? Na giot abiskonon ni api na jorbut i ma hami. Anggo ning rohanami na mate ma hami muda hami bege Tuhan Debatanami mangkuling mangulahi.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 6:15

Dung i martabuni be ma angka raja na di tano on, angka halak na godang, angka panglima ni angka parporang, angka halak na marsinadongan dohot angka na markuaso dohot angka halak na asing i, bope hatoban dohot na mardeka marmasuhan ma tu bagasan angka liang dohot tu holang-kolang ni angka batu na di dolok.