PAMUNGKAAN 3:24 - BIBEL JAMITA NA DENGGAN

²⁴ Dung i muse, di sabola Habincaran ni kobun i, dibaen Tuhan Debata ma angka kerub na marpodang sidua baba na marputar humaliang laho manjago anso ulang adong sahalak pe mandonohi hayu na mangalehen ngolu i.

PAMUNGKAAN 3:24 ပူးပေါင်းရင်းမြစ်များ

PAMUNGKAAN 3:23

Lalu dipaorot Tuhan Debata ma jolma i sian Kobun Eden i jana disuru Ia ma mangkarejohon tano na gabe asalna i hian.

PAMUNGKAAN 4:1

Dung i marcampur ma si Adam dohot si Hawa dadaborunia i, jana denggan ma pamatangna. Ditubuhon ia ma sada anak halaklahi jana ning ia ma, “Hara ni panolongi ni Tuhan, maruli do au sada anak halaklahi.” Gabe dibaen ia ma goar ni dakdanak i, si Kain.

PAMUNGKAAN 4:14

Dipaorot Ho do iba sian tano on, padaohon sian Ho dohot sian pangurupiMu. Mompas-ompas noma iba, nada adong bagas di tano on, jadi sanga ise na marsuo dohot iba bunuonna ma iba.”

MASMUR 104:4

Dibaen Ho alogo suruanMu, dohot hilap gabe pangoloiMu.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

MASMUR 99:1

Raja do Tuhan, marhabangsa di ginjang ni kerub; humitir angka bangso portibi pe lumalo-lalo.

HARURUAR 25:2

“Suruhon ma halak Israel maroban somba-somba tu Au. Jagiti sajo ma sanga aha na nipasahat ni halahi sian ias ni rohana be.

JEHESKIEL 10:1

Dung i manatap ma au tu na songon langit na di ginjang ni ulu ni angka kerub i, jana huida sada tudos songon habangsa na sian batu intan nilam.

JEHESKIEL 31:11

Jadi na dung Hutulak do ia jana pasahatonKu ma ia tu halak na asing, na mambaen tusia hombar tu hajahatan na nibaennia.

BILANGAN 22:23

Dung diida halode i surusuruan i jongjong manyintak podang, manyirpang ma halode i sian dalan, manyimbil tu ladang i, jana disambok si Bileam ma halode i anso mulak tu dalanna.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

IBRANI 1:7

Anggo taringot tu angka surusuruan, didok Debata songon on, “Dibaen Debata do angka surusuruanNia gabe alogo, jana angka pangoloiNia gabe jilam ni api.”

JOSUA 5:13

Jadi dompak di lambung ni Jeriko si Josua, ompot ma diida ia sada bayo na jongjong di jolonia manyintak podang. Didapotkon si Josua ma bayo i lalu disapai ia, “Dongan dehe ho sanga na alo?”

1 SAMUEL 4:4

Jadi disuru halahi ma halak tu Silo laho mambuat Poti Parjanjian ni Tuhan i na mangwakili habangsa ni Tuhan Na Markuaso i. Anak ni si Eli na dua i ma, si Hofni dohot si Pinehas na mangudurkon Poti Parjanjian i.