PAMUNGKAAN 3:23 - BIBEL JAMITA NA DENGGAN

²³ Lalu dipaorot Tuhan Debata ma jolma i sian Kobun Eden i jana disuru Ia ma mangkarejohon tano na gabe asalna i hian.

PAMUNGKAAN 3:23 ပူးပေါင်းရင်းမြစ်များ

PAMUNGKAAN 2:5

nada adong dope suan-suanan di tano on, jana nada adong dope same na martumbur, dibaen nada diparo Tuhan Debata dope udan boti jolma pe nada podo adong na giot mangkarejohon tano i.

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

PAMUNGKAAN 2:8

Dung i dibaen Tuhan Debata muse ma kobun di Eden, di sabola Habincaran, jana tusi ma jolma na nitompaNia i dibaen Ia maringanan.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

PAMUNGKAAN 3:22

Didok Tuhan Debata ma, “Saonnari madung gabe tudos songon Hita jolma i jana madung marparbinotoan taringot tu na denggan dohot na jahat. Nada patolaon panganonna batu ni hayu na mangalehen ngolu i, anso ulang mangolu ia salolot-lolotna.”

PAMUNGKAAN 3:24

Dung i muse, di sabola Habincaran ni kobun i, dibaen Tuhan Debata ma angka kerub na marpodang sidua baba na marputar humaliang laho manjago anso ulang adong sahalak pe mandonohi hayu na mangalehen ngolu i.

PAMUNGKAAN 4:12

Muda pe gabe martani ho, na so adong ma bagi aha hasil ni tano i; gabe halak na madoado noma ho na so adong bagasna di tano on.”

PAMUNGKAAN 4:2

Dung i ditubuhon si Hawa muse ma sada nari laing anak halaklahi, na margoar si Abel. Gabe parmahan biri-biri do si Abel, tapi anggo si Kain gabe partani do.

PAMUNGKAAN 9:20

Partani do anggo si Noak. Ia ma na parjolo mambaen kobun anggur.

PARJAMITA 5:9

Jana ngolu ni raja pe marguru tu suha ni karejona do.